ნინოწმინდაში ავარიის შედეგად ხუთი ადამიანი დაშავდა

ფოტო – რადიო "ნორი"

შემთხვევა დღეს, 16 იანვარს, დაახლოებით 14:00 საათისათვის მოხდა. როგორც ნინოწმინდაში ამბობენ, უამინდობის გამო, გზაზე ხილვადობა ნაკლები იყო, საავტომობილო გზაზე კი თოვლისა და ყინულის საფარია, რაც ოთხი მანქანის შეჯახების მიზეზი გახდა. შემთხვევის შედეგად ხუთი ადამიანი დაშავდა. ამ დროისათვის, ისინი ნინოწმინდის საავადმყოფოში არიან.

როგორც სამედიცინო დაწესებულებაში განმარტავენ, დაშავებულებს ტრამვები აღენიშნებათ – "ამ ეტაპზე, შემიძლია გითხრათ, რომ დაშავებულებს სტაბილური მდგომარეობა აქვთ, აღენიშნებათ ტრამვები და უტარდებათ გამოკვლევები".

მომხდარზე გამოძიება სსკ–ის 276 მუხლით მიმდინარეობს.

[მარიამ ბარძიმაძე, ნინოწმინდა]