საახალწლო ღამის ფასები ახალციხის რესტორნებში

ახალციხის რესტორნების ნაწილში თბილისიდან მოწვეული მომღერლები, ასევე, საცეკვაო ჯგუფები სხვადასხვა ნომერს შეასრულებენ. იქნება პრიზების გათამაშება და ფოერვერკი.

ახალციხის ციხეზე, რესტორან „რაბათში“ საახალწლო პროგრამა, 31 დეკემბრს 11:00 საათიდან იწყება და 04:00 საათზე სრულდება. აქ ორი სახის მენიუ აქვთ, 40–ლარიანი და 60–ლარიანი. „რაბათში“ კოკერა, ანიტა სებუა და სოფიო მაისურაძე იმღერებენ. პროგრამაში შედის ილუზიონისტის ნომრებიც.

„საახალწლო სუფრაზე გვექნება ის ყველაფერი, რაც ტრადიციულად ყველა ოჯახშია. 40 და 60 ლარიან მენიუებს შორის განსხვავება ისაა, რომ 60 ლარიანში გოჭის ხორცი შედის, 40–იანში კი არა“, – ამბობენ რესტორან „რაბათში“.

რესტორან „იმერეთში“ საახალწლო პროგრამა 23:00 საათზე დაიწყება. აქ voice-ს ვარსკვლავი ანი ღონღაძე იმღერებს. ასევე, ანსამბლი „ლომსია“ ქართულ ნაციონალურ და სამეჯლისო ცეკვებს შეასრულებს. საღამოს ეყოლება წამყვანები, ასევე იქნება გასართობი პროგრამები. „იმერეთში“ მაგიდის დაჯავშნა 50 ლარი ღირს.

რესტორანი „ალავერდი“ 31 დეკემბერის, ღამეს, 22:00 საათიდან სტუმრებს საახალწლო თეატრალურ შოუს წარმოუდგენენ. იმღერებს ბენდი M-farbrik–ი, მოწვეულები არიან ასევე, ლათინო–ამერიკული ცეკვების ოსტატები. სტუმრების განწყობაზე თოვლის პაპა და „სნეგურაჩკა“ იზრუნებენ. „ალავერდში“ არის, როგორც 50 ლარიანი, ასევე, 70 ლარიანი მენიუ. რესტორანში ამბობენ, რომ ადგილების რაოდენობა შეზღუდულია.

ადგილობრივი მომღერლები და მოცეკვავეები შეასრულებენ სხვადასხვა ნომერს ახალი წლის საღამოს რესტორან „ბონა დეაში“. აქ საახალწლო პროგრამა 23:00 საათზე დიაწყება. გათამაშდება პრიზები. რესტორანში ამბობენ, რომ ერთი პერსონას "ბონა დეაში" საღამოს გატარება 35 ლარი დაუჯდება.

რესტორან „ემიგრანტში“ ახალი წლის ღამეს მოწვეული მომღერლები იმღერებენ, ასევ სხვადასხვა ქართულ ცეკვას შეასრულებს ქორეოგრაფიული ანსამბლი „მესხეთი“. პროგრამა 23:00 საათზე დაიწყება და მთელი ღამე გაგრძელდება. გათამაშდება პრიზები, მათ შორის ფასდაკლების ბარათები.
„ემიგრანტში“ მენიუს ღირებულება 35–50 ლარია. ადგილების რაოდენობა შეზღუდულია, ამ დროისთვის დარჩენილი მხოლოდ სამი მაგიდაა.

საახალწლო პროგრამა რესტორან „ტყუპებში „ 31 დეკემბერის ღამეს 22:00 საათზე იწყება. რესტორანში საღამოს მოწვეული მსახიობი წაიყვანს, რომელიც ასევე, პრიზებს გაათამაშებს. იცეკვებენ ანსამბლ „მესხეთის“ მოცეკვავეები. მენიუს ღირებულება 25 ლარიდან იწყება და მაქსიმალური თანხა 40 ლარია.

[მარიამ ბარძიმაძე, ახალციხე]