ახალციხის პარკში საახალწლო ღონისძიებები გაიმართება

როგორც ახალციხის მერიაში განმარტავენ, ღონისძიებებში მონაწილეობას ახალციხის სხვადასხვა სოფლიდან ჩამოსული ახალგაზრდები მიიღებენ, მათ ტრანსპორტირებას მერია უზრუნველყოფს.

ახალციხის ცენტრალურ პარკში მთავარი ნაძვის ხე 25 დეკემბერს 18:00 საათზე განათდება.

29-31 დეკემბრის ჩათვლით მუნიციპალიტეტის ტერიტორიაზე ივლიან თოვლის ბაბუები და პატარებს ტკბილეულით დაასაჩუქრებენ.

ახალციხის მერიის ინფორმაციით, 31 დეკემბერს მთელი დღის განმავლობაში გაიმართება საახალწლო კონცერტი, რომელშიც მონაწილეობას ზღაპრის გმირები და თოვლის ბაბუებიც მიიღებენ.

ახალი წლის ღამეს იმღერებს ესტრადის ცნობილი ვარსკვლავი, რომლის ვინაობასაც მერიაში ჯერ არ ასახელებენ.

საახალწლო ღონისძიებებისათვის ადგილობრივი ბიუჯეტიდან 45 000 ლარამდე დაიხარჯება.

26–31 დეკემბერს ახალციხის ცენტრალურ პარკში საახალწლო ღონისძიებების პროგრამა ასეთია:

26 დეკემბერი

✔14:00 საათზე, სპექტაკლი "წითელქუდა";
✔15:00 საათზე, არლის სამრევლო სკოლასთან არსებული გუნდი;
✔ სომხური ახალგაზრდული ცენტრი;
✔ სპორტული ღონისძიებები:ბაგირი, მკლავჭიდი.

27 დეკემბერი

✔14:00 საათზე, სპექტაკლი "პინოქიო";
✔15:00 საათზე, ქ.ვალის კ/სახლი, სხვილისის კ/სახლი, ივლიტის ახალგაზრდული ცენტრი;
✔სპორტული ღონისძიებები: ჭიდაობა და მკლავჭიდი.

28 დეკემბერი

✔14:00 საათზე, სპექტაკლი "სამი გოჭი";
✔15:00 საათზე, აწყურის კ/სახლი, ზიკილიისა და საყუნეთის ახალგაზრდული ცენტრები;
✔სპორტული ღონისძიება: ნარდი.

29 დეკემბერი

✔14:00 საათზე, სპექტაკლი "ბატის ჭუკი";
✔15:00 საათზე, ურავლის, მუსხისა და წყორძის ახალგაზრდული ცენტრები;

30 დეკემბერი

✔14:00 საათზე, სპექტაკლი "ეკო, ბეკო და ბეკეკო";
✔15:00 საათზე, ახალციხის კ/სახლი, ახალციხის მუსიკალური სკოლა;
✔15:30 საათზე, ზღაპარი "რწყილი და ჭიანჭველა".

31 დეკემბერი

✔14:00 საათზე, სპექტაკლი "თოვლის დედოფალი";
✔15:00 საათზე, საახალწლო კონცერტი.
✔17:00 საათზე, კონცერტი ადგილობრივი შემსრულებლები და ესტრადის მომღერალი.

[sknews.ge]