რა ღირს ახალი წლის ღამე ახალციხის ბარ–რესტორნებში

„ახალციხის ციხეზე“ არსებული რესტორანი „რაბათი“ 31 დეკემებერს სტუმრებს საღამოდან მიიღებს. რესტორანში ცოცხალი მუსიკა, წამყვანი და გათამაშებები იქნება. ახალი წლის რაბათში შეხვედრა ერთი ადამანისთვის 35 ლარი ღირს, ამ თანხაში საახალწლო სუფრაც შედის.

დიჯეი „ბატა“, წამყვანი, გათამაშება და კარაოკე მუსიკა – ასე შეხვდებით 2016 წელს ბარ–რესტორან„ლომსიაში“. რესტორანი სტუმრებს 23:00 საათიდან მიიღებს. აქ ახალი წლის ღამის ფასი 60 ლარია და ამ თანხაში საახალწლო ვახშამიც შედის.

რესტორანი „ხარება“ 31 დეკემბერს სტუმრებს 22:00 საათიდან ელოდება. აქ სტუმრებს ცოცხალი მუსიკა, ქართული ტრადიციული კერძები და გათამაშება ელით. რესტორანში ერთი ადამიანი 30 ლარს გადაიხდის.

ფოტო–ვიდეო გადაღება, წამყვანი, ცოცხალი მუსიკა, ტრადიცული სუფრა და გათამაშება – ბარ–რესტორანი „Fontana” სტუმრებს 31 დეკემბერის საღამოდან ელოდება. რესტორანში ერთი ადამიანს 50 ლარის გადახდა მოუწევს.

რესტორანი „ალავერდი“ სტუმრებს სიურპრიზებს ჰპირდება. საახალწლო წვეულება რესტორანში 23:30 საათზე ცოცხალი მუსიკით, ქართულ– ხალხურ ცეკვებითა და სიმღერებით დაიწყება. დაგეგმილია გათამაშება, რომლის გამარჯვებულს საჩუქრად 500 ლარი გადაეცემა. ახალი წლის გატარება რესტორან „ალავერდში“ ერთ ადამიანს 60 ლარი დაუჯდება.

შეჯიბრებები, საჩუქრები, პრიზები და ცოცხალი მუსიკა – ასე შეხვდებით ახალ წელს რესტორან „ტყუპებში“ , რომელიც საახალწლო კარნავალს 23:00 საათიდან დაიწყებს და 05:00 საათზე დაასრულებს. რესტორანში ახალი წლის ღამის გასატარებლად ერთ ადამიანს 30–40 ლარი დასჭირდება.

[ვარლამ წიკლაური, ახალციხე]