ახალციხის ციხეზე არსებული
რესტორანი „ჯინო ველნესი“ 31 დეკემბერს სტუმრებს 23:00 საათიდან ეპატიჟება. ახალი წლის ღამეს „ჯინო ველნესში“ ხალხური სიმღერების ანსამბლი „ჰერულა“ იმღერებს, იქნება ქართული ხალხური ცეკვები. საღამოს ეყოლება წამყვანი, რომელიც სტუმრებს სხვადასხვა გასართობს, მათ შორის მხიარულ შეჟიბრებებსაც შესთავაზებს. ამ რესტორანში სტუმრებს თოვლის ბაბუაც დახვდებათ.
„ჯინო ველნესში“ ერთ ადამიანს 30 ლარის გადახდა მოუწევს. ამ თანხაში მხოლოდ ტკბილი სუფრა შედის. მსურველებისთვის იმუშავებს რესტორის სამზარეულო. დარბაზი 90 სტუმარს დაიტევს, მაგიდების ნაწილი უკვე დაჯავშნულია.
საახალწლო ფართი მოეწყობა ასევე ახალციხის ციხეზე არსებულ
ბარ „Golden Time”-შიც. აქ საღამო 23:30 საათიდან დაიწყება. ბარში მისულებს ადგილობრივი ახალგაზრდების ბენდი და ორი წამყვანი დახვდებათ. იქნება შეჯიბრებები მაგიდებს შორის, გამოვლინდებიან გამარჯვებულები სხვადასხვა ნომინაციებში, სტუმრებს ელოდებათ კარაოკეც.ყველა გამარჯვებულს ბარის ადმინისტრაცია სიგელებით დააჯილდოვებს.
ბარ „Golden Time”-ში ფასი ერთი ადამიანისთის 50 ლარია. ამ თანხაში შედის ტრადიციული სუფრა, მათ შორის, მსურველებისთვის სამარხვოც. დარბაზი 70 სტუმარს დაიტევს.
23:00 საათზე იწყება საახალწლო ღონისძიება
რესტორან „ტყუპებში“. სტუმრებს აქაც „ცოცხალი მუსიკა“ დახვდებათ, მათ შორის, ვიოლინოც. საღამოს მესხეთის სახელმწიფო თეატრის ერთ–ერთი მსახიობი გაუძღვება. დაგეგმილია მხიარული ნომრები, შეჯიბრებები, გამარჯვებულებისთვის იქნება საჩუქრები. რესტორან „ტყუპებში“ იქნება თოვლის ბაბუაც.
რესტორან „ტყუპებში“ ერთი ადამიანისთვის ფასი 30 ლარია. ამ თანხაში ტრადიციული სუფრა შედის. რესტორანი 100 სტუმარს უმასპინძლებს.
რესტორანი „ლომსია“ სტუმრებს 31 დეკემბერს სთავაზობს პროგრამას, რომელშიც იქნება კარაოკე, სინქრონული ცეკვები და არაერთი სიურპრიზი. აქ წამყვანები ქართულ ტრადიციულსა და ევროპულ სამოსში იქნებიან. სტუმრებს საშუალება ექნებათ თვალი ადევნონ სატელევიზიო არხებს, ქვეყნის პირველი პირებისა და პატრიარქის მილოცვას.
„ლომსია“ სტუმრებს ორი კატეგორიის მოსახურებას პირდება, ფასი 50 და 60 ლარია. 60–ლარიან პაკეტში შედის თელიანი ველის თელური თეთრი ან ცქრიალა ღვინო „ბრუტი“, ერთ სტუმარზე ერთი ბოთლი. სტუმარი თავად გადაწყვეტს შამპანიური შეუკვეთოს თუ ღვინო. „ლომსია“ 70 სტუმარს დაიტევს.
რესტორანი „ალავერდი“ ახალი წლის ღამეს სტუმრებს შოუმენს, მსახიობ ზურა ნიჟარაძის შოუპროგრამას ჰპირდება. სტუმრებისთვის იმღერებენ ტატო გოდრეძიშვილი, ანსამბლი „მესხეთი“ და რესტორნის მომღერალთა ჯგუფი. დაგეგმილია შეჯიბრებები მაგიდებს შორის და არაერთი სიურპრიზი სტუმრებისთვის. გარდა ამისა, რესტორანი ყველა სტუმარს ერთწლიანი, 10%–იანი ფასდაკლების ბარათით დაასაჩუქრებს. აქ საღამო 23:30 საათზე დაიწყება.
„ალავერდში“ საღამოს გატარება ერთი ადამიანისთვის 70 ლარია. ამ თანხაში ტრადიციული სუფრა შედის. დარბაზი 200 სტუმარზეა გათვლილი.
31 დეკემბერს, 12 საათზე, ყველა რესტორანში იქნება გრანდიოზული ფეიერვერკი.
[თინათინ ზაზაძე, ახალციხე]