აბასთუმანში ‘ცისარტყელას’ მიმდებარე ტერიტორია ნახევარ მილიონად იყიდება

სახელმწიფო ქონების ეროვნული სააგენტო აბასთუმანში, ყოფილი სანატორიუმის „ცისარტყელას“ მიმდებარედ 5539.00 კვ.მ. ტერიტორიას ყიდის. საწყისი ფასი 554000 ლარია.

"ცისარტყელას" ადგილზე სასტუმრო „საქართველოს ტურიზმის განვითარების ფონდის“ ინიციატივით შენდება. ამ კომპანიის 100%–იანი წილის მფლობელი, პანამაში რეგისტრირებული ოფშორული კომპანია, სააქციო საზოგადოება FRANKSTON INTERNATIONAL–ია. აღნიშნული კომპანია ბიძინა ივანიშვილის სახელს უკავშირდება. 140–ნომრიანი "პარაგრაფ მერიოტი" დამსვენებლებს 2020 წლიდან მიიღებს.

[თამუნა უჩიძე, ადიგენი]