სახელმწიფო აბასთუმანში აუქციონზე სამ მიწის ნაკვეთს ყიდის

სამივე ნაკვეთი ერთმანეთის გვერდით, ფალიაშვილის ქუჩის მიმდებარედაა.

ელექტრონული აუქციონის მიხედვით, 3 482 კვ.მ მიწის ნაკვეთის საწყისი ფასი 458 000 ლარია, ბიჯი - 2 000 ლარი .

მეორე ნაკვეთის საწყისი ფასი, რომლის ფართობიც 500 კვ. მ-ია, 75 000 ლარია, ბიჯი – 1 000 ლარი.

მესამე, 300 კვ.მ-იან ნაკვეთის საწყისი ფასი 33 000 ლარია, მინიმალური ბიჯი კი 1 000 ლარი.

ელექტრონული აუქციონი ხვალ, რვა ნოემბერს დასრულდება, რის შემდეგაც ცნობილი გახდება ნაკვეთების ახალი მესაკუთრეების ვინაობა.

2019 წელს აბასთუმანში სახელმწიფომ აუქციონის წესით ორი ნაკვეთი (ჯამში 1924 კვ.მ) უკვე გაასხვისა. მათგან 1 751 კვ.მ არასასოფლო მიწის ნაკვეთი, 72 000 ლარად ბიძინა ივანიშვილთან დაკავშირებულმა კომპანიამ, („სანაპიროს ხედი“) შეიძინა.



[რობი ზარიძე, ადიგენი]