აბასთუმანში მშენებარე ხუთვარსკვლავიანი სასტუმრო დამსვენებლებს 2020 წლიდან მიიღებს

აბასთუმანში მარიოტის საერთაშორისო ქსელის უმაღლესი კლასის ხუთვარსკვლავიანი სასტუმროს მშენებლობისთვის 30 მილიონი დოლარი დაიხარჯება. ამ დროისთვის ობიექტზე მოწყობილი მხოლოდ საძირკველია.

140–ნომრიან სასტუმროში თავმყორილი იქნება სპა, აუზი, რესტორანი, საკონფერენციო დარბაზი და ტერასა 360–გრადუსიანი ხედით. წიწვოვანი ტყით გარშემორტყმული სასტუმრო 10 000 კვ.მ მიწის ნაკვეთზე განთავსდება, ხოლო მისი საერთო სამშენებლო ფართი 25 000 კვ.მ. იქნება. კორპუსი მოპირკეთდება მინის, ხისა და ქვის ფაქტურით.



სასტუმრო „საქართველოს ტურიზმის განვითარების ფონდის“ ინიციატივით შენდება. ამ კომპანიის 100%–იანი წილის მფლობელი, პანამაში რეგისტრირებული ოფშორული კომპანია, სააქციო საზოგადოება FRANKSTON INTERNATIONAL–ია. აღნიშნული კომპანია ბიძინა ივანიშვილის სახელს უკავშირდება.

ადგილობრივების თქმით, ივანიშვილმა აბასთუმანში სასტუმროს აშენება მას შემდეგ გადაწყვიტა, რაც აქ ოჯახთან ერთად დასასვენებლად ორ კვირაზე მეტი გაატარა.

ივანიშვილის აბასთუმანში სტუმრობის შემდეგ კურორტზე შვიდი ობიექტის მშენებლობა დაიწყო და მათ შორის ერთ–ერთი აღნიშნული სასტუმროა.





[ლუბა გიორგაძე, ადიგენი]