აბასთუმნის ტუბსაავადმყოფო დემონტაჟის შემდეგ [ფოტო]

15 თებერვალს ის ტერიტორია, სადაც ტუბსაავადმყოფოს შენობა იდგა, აუქციონის წესით ბიძინა ივანიშვილთან დაკავშირებულმა ოფშორში რეგისტრირებულმა შპს „სანაპიროს ხედმა“ იყიდა. ყოფილი ტუბსაავადმყოფოს შენობის ადგილზე სასტუმრო უნდა აშენდეს.

„სანაპიროს ხედის“ 100%–იანი წილის მფლობელი სააქციო საზოგადოება „ლაიმსთოუნ ფაინანს ინთერნეიშენელია“. ეს კომპანია პანამაშია რეგისტრირებული. რაც შეეხება მის ივანიშვილთან კავშირს, ამის შესახებ 2017 წელს, თბილისში იპოდრომთან დაკავშირებული საკითხების დროს გაირკვა. ოთხ ზონად დაყოფილ ტერიტორიას იპოდრომთან შპს „ინვესტალ კაპიტალი“ ფლობს, „ინვესტალ კაპიტალის“ 100%–იანი წილის მფლობელი კი სწორედ სააქციო საზოგადოება „ლაიმსთოუნ ფაინანს ინთერნეიშენელია“.

ტუბსაავადმყოფო პაციენტებისთვის სამკურნალოდ მარტში, მანამდე დაიკეტა, ვიდრე ახალ სარეაბილიტაციო ცენტრს გახსნიდნენ.
სანატორიუმ „ზეკარის“ შენობაში ტუბსაავადმყოფო 12 წლის განმავლობაში ფუნქციონირებდა. აღნიშნული შენობა 1924 წელს აშენდა.

[ლუბა გიორგაძე, ადიგენი]