მეცხრე კლასელებთან ქალზე ძალადობის თემაზე შეხვედრა გაიმართა

შეხვედრა, ახალციხის „დემოკრატიული ჩართულობის ცენტრში“ დღეს, ოთხ დეკემბერს გაიმართა. შეხვედრას ახალციხის პირველი საჯარო სკოლის მეცხრე კლასის მოსწავლეები ესწრებოდნენ.

„ჩვენს ქვეყანაში ადრეული ქორწინება და ქალზე ძალადობა, შეიძლება ითქვას, რომ ეს აქტუალური თემებია. ამიტომ ახალგაზრდებმა უნდა იცოდნენ თავიანთი უფლებები ამ კუთხით. ეს გარკვეულ წილად პრევენციაა ასეთი დანაშაულებების“, – ამბობს ზარიძე.

მიმდინარე წელს სამცხე–ჯავახეთის იურიდიული დახმარების ბიუროში ოჯახში ქალებსა და არასრულწლოვნებზე ძალადობის 56 შემთხვევის შესახებ შევიდა შეტყობინება.

„ბევრია ისეთი შემთხვევა, როცა ძალადობის მსხვერპლები მომხდარზე არ საუბრობენ. მიზეზი ისაა ალბათ, რომ მათ თავიანთი უფლებები არ იციან და ფიქრობენ, რომ უარეს შედეგს მიიღებენ“, – ამბობს ზარიძე.

შეხვედრაზე მეცხრეკლასელებს ადრეული ქორწინებისა და არასრულწლოვანთა განათლების უფლებების შესახებ ფილმი „კოცნა მარტო კინოშია“ უჩვენეს.

შეხვედრა „დემოკრატიული ჩართულობის ცენტრების ქსელის“ ახალციხის ოფისის ორგანიზებით, გენდერული ძალადობის წინააღმდეგ 16-დღიანი კამპანიის ფარგლებში გაიმართა.



[ლუბა გიორგაძე, ახალციხე]