ვალეში ავარიის შედეგად ოთხი წლის ბავშვი გარდაიცვალა

შემთხვევა, დღეს, შვიდ ივნისს, დაახლოებით, 18:00 საათზე მოხდა. ბავშვი სასწრაფო სამედიცინო დახმარების ჯგუფმა საავადმყოფოში გადაიყვანა, თუმცა გოგონა სამედიცინო დაწესებულებაში შეყვანიდან მალევე გარდაიცვალა.

"ბავშვს გზის მეორე მხარეს ბაბუამ დაუძახა, მოდი ნაყინი უნდა მოგცეო და გზაზე გადაირბინა, მანქანამ ამ დროს დაარტყა. ექიმებმა აქედან პატარა ცოცხალი წაიყვანეს. არ ვიცით რა დაუზინდა", – ამბობენ ადგილობრივები.

მათივე თქმით, მძღოლი ვინც ბავშვს დაარტყა ადგილობრივია და ის შემთხვევის ადგილიდან არ მიმალულა.

მომხდარს შინაგან საქმეთა სამინისტრო სისხლის სამართლის კოდექსის 276–ე მუხლის პირველი ნაწილით იძიებს, რაც ავტოტრანსპორტის მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

[sknews.ge]