სამცხე–ჯავახეთის საარჩევნო ოლქებში ამომრჩევლების რაოდენობა გაიზარდა

სიებს ძირითადად ის პირები დაემატნენ, რომლებსაც 18 წელი შეუსრულდათ, ან საცხოვრებელი ადგილი შეიცვალეს.

ასპინძის საარჩევნო ოლქში ამომრჩევენლთა სიას 44–მდე მოქალაქე დაემატა, ნინოწმინდაში – 32, ადიგენში – 40 და ახალქალაქში – 77. რაც შეეხება ბორჯომსა და ახალციხეს საოლქო კომისიების თავმჯდომარეები აცხადებენ, რომ ამომრჩეველთა სია გაზრდილია თუმცა, რამდენით ვერ აკონკრეტებენ.

„სპეც სიით დამატებულებიც გვყავს, ასეთი სულ 34 პირია და ისინი ძირითადად მესაზღვრეები და გამშვებ პუნქტზე დასაქმებულები არიან“, – ამბობს ნინოწმინდის საოლქო საარჩევნო კომისიის თავმჯდომარის მოადგილე გია გაჩეჩილაძე.

ცესკო-ს პრესსპიკერის ანა მიქელაძეს თქმით, საპრეზიდენტო არჩევნების პირველი ტურის შემდეგ ამომრჩეველთა რაოდენობა, დაახლოებით, 9 000–ით გაიზარდა.

[მარიამ ბარძიმაძე, ახალციხე]