ახალციხის მერია ააიპ–ების დაფინანსებას ზრდის

2019 წლის ბიუჯეტის პროექტის მიხედვით, ახალციხის მუნიციპალიტეტში მოქმედი ააიპ–ების უმეტესობას დაფინანსება ეზრდება, ყველაზე მეტ თანხას სკოლამდელი აღზრდის დაწესებულებათა გაერთიანება მიიღებს. არ იცლვება ახალციხის ციხისა და აწყურის სამუსიკო სკოლის დაფინანსება.

„ძირითადი ზრდა ბაღების ააიპ–ზე მოდის, იმიტომ რომ კვების რაციონიც გაიზარდა და ბავშვების რაოდენობაც. თანხა გავზარდეთ მძლეოსნობის ააიპ–შიც, რადგან საერთაშორისო სპორტული ღონისძიებების ჩატარება უნდათ და თან ამ სპორტსმენებმა წელს ძალიან კარგი შედეგები აჩვენეს“, – ამბობს ახალციხის მუნიციპალიტეტის მერის პირველი მოადგილე გურამ მელიქიძე.



მელიორაცია – 240 000 ლარი, წინა წელთან შედარებით გაიზარდა 7 000 ლარით;

სკოლამდელი აღზრდის დაწესებულებათა გაერთიანება –2 861 500 ლარი, წინა წელთან შედარებით გაიზარდა 246 400 ლარით;

ახალციხის თემის კულტურის დაწესებულებათა გაერთიანება – 442 000 ლარი, წინა წელთან შედარებით გაიზარდა 7 700 ლარით;

ვალის სამუსიკო სკოლა – 38 800 ლარი. გაზრდილია – 2 400 ლარით;

აწყურის სამუსიკო სკოლა – 32 800 ლარი. იგივე დარჩა;

ახალციხის სამუსიკო სკოლა – 104 700 ლარი. გაზრდილია – 1 700 ლარით;

ახალციხის სამხატვრო სკოლა– 25 700 ლარი. გაზრდილია 1 100 ლარით;

ახალციხის ციხე – 100 000 ლარი, იგივე დარჩა;

ახალციხის სასპორტო სკოლა – 113 400 ლარი. გაზრდილია – 2 400 ლარით;

ახალციხის მძლეოსნობის კლუბი –181 100 ლარი. გაზრდილია – 33 500 ლარით;

ჯანდაცვის მუნიციპალური პროგრამები – 166 700 ლარი. წელს იქნება – 31 000 ლარი;

სათნოების სახლი – 129 200 ლარი. გაიზრდილია – 8 500 ლარით;

ახალციხის მუნიციპალიტეტის 2019 წლის ბიუჯეტის პროექტი ახალციხის საკრებულომ 22 ნოემბერს განიხილა.

[თინათინ ზაზაძე, ახალციხე]