ააიპ–ების ნაწილს ახალციხის მერია სუბსიდიას უმცირებს

მომავალი წლიდან, ააიპ–ი „ახალციხის ტბა“, ადგილობრივი ბიუჯეტიდან, 110 400 ლარს მიიღებს. 2016 წელს ტბისთვის 134.100 ლარი იყო გამოყოფილი. ახალციხის ციხეს კი, 200.000–ის ნაცვლად, 100.000 ლარი ჩაერიცხება.

ახალციხის მერის განმარტებით, თანხა, რომელიც ახალციხის ციხისთვის გაითვალიწინეს, საკმარისია: „ციხე მომგებიანი გახდა წელს, „ახალციხის ციხიდან“ 680.000 ლარი შემოვიდა. რა მოგებაც მაგათ დარჩათ, იმ მოგებაზე დავსვით“.

თანხა უმცირდებათ დანარჩენ ააიპ–ებსაც. ადგილობრივმა თვითმმართველობამ 2017 წლის ბიუჯეტში, ააიპ–ებისთვის თანხები ასე გადაანაწილა:

► „მდგრადი განვითარების სააგენტო“ – 27 000 ლარი;
► „ახალციხის სასპორტო სკოლა“ – 135 000 ლარი;
► „კულტურის დაწესებულებათა გაერთიანება“ – 114 800 ლარი;
► „ახალციხის სამუსიკო სკოლა“ – 85 000 ლარი;
► „ახალციხის ტბა“ – 110 400 ლარი;
► „ახალციხის სამხატვრო სკოლა“ – 21 100 ლარი;
► „ახალციხის ციხე“ – 100 000 ლარი;
► „ახალციხის სათნოების სახლი“ – 125 200 ლარი;
► სამცხე–ჯავახეთის რეგიონული სარაგბო კლუბი 'ტაო/ – 20 000 ლარი.

ჯამში, 2017 წლის ბიუჯეტიდან, რომელიც ამ ეტაპზე 7 774 000 ლარით განისაზღვრება, ააიპ–ებისთვის 738 500 ლარია გათვალისწინებული.



[თინათინ ზაზაძე, ახალციხე]