ახალციხე
ახალციხის მუნიციპალიტეტში 12 ააიპ–ი ფუნქციონირებს და ყველაში ერთად 775 თანამშრომელია დასაქმებული, მათ შორის 29 ხელშეკრულებითაა აყვანილი. 2018 წელს, პრემია-დანამატები ხუთ ააიპ–ში გაიცა. 160 043 ლარი ასე გადანაწილდა:
• ახალციხის მუნიციპალიტეტის სკოლამდელი აღზრდის დაწესებულებათა გაერთიანება – 82 741 ლარი.
• ახალციხის ციხე – 46 584 ლარი.
• კულტურის დაწესებულებების გაერთიანება – 17 747 ლარი.
• სათნოების სახლი – 3 120 ლარი.
• საზოგადოებრივი ჯანდაცვის ცენტრი – 9 850 ლარი.
როგორც ახალციხის მერიიდან წერილობით მიღებულ ინფორმაციაში ვკითხულობთ, ახალციხის ციხეზე პრემიები აქტიურ ტურისტულ სეზონზე თანამშრომლების წახალისების მიზნით გაიცა, საზოგადოებრივი ჯანდაცვის ცენტრში კი დაკისრებული ფუნქციების სანიმუშოდ შესრულებისათვის.
პრემია დანამატების ოდენობა 2019 წლის ბიუჯეტით, გათვალისწინებული მხოლოდ ორი ააიპ–ისთვისაა. ახალციხის მძლეოსნობის სპორტული კლუბისთვის 1 000 ლარი, ხოლო ახალციხის ციხისთვის 10 000 ლარია გაწერილი.
ბორჯომი
ბორჯომის მუნიციპალიტეტის 16 ააიპ–ში 794 ადამიანია დასაქმებული და მათ შორის 50 ხელშეკრულებით აყვანილია. ჯამში, 2018 წელს ბორჯომის მუნიციპალიტეტის მასშტაბით პრემიის სახით 105 011 ლარი ათი ააიპ–ის თანამშრომლებმა მიიღეს:
• ბორჯომის გარეგანათება – 8 625 ლარი.
• საბიბლიოთეკო გაერთიანება – 720 ლარი.
• სკოლამდელი დაწესებულები – 40 190 ლარი.
• სამუსიკო სკოლა – 440 ლარი.
• კულტურისა და ხელოვნების ცენტრი – 10 314 ლარი.
• სასპორტო სკოლა – 5 017 ლარი.
• საზოგადოებრივი ჯანდაცვის ცენტრი – 8 220 ლარი.
• დასუფთავებისა და კეთილმოწყობის სამსახური – 600 ლარი.
• ბორჯომის ცენტრალური ისტორიული პარკი – 22 860 ლარი.
• საზოგადოებრივი ტრანსპორტი – 8 025 ლარი.
2019 წელს ბორჯომის მუნიციპალიტეტში პრემია–დანამატებს, ბიუჯეტში გაწერილი თანხის მიხედვით, მხოლოდ ერთი, დასუთფავებისა და კეთილმოწყობის ააიპ–ი 12 000 ლარის ოდენობით მიიღებს.
ნინოწმინდა
ნინოწმინდის მუნიციპალიტეტის მერიის 11 ააიპ–ში 319 თანამშრომელია დასაქმებული, მათგან 11 შტატით მუშაობს, 308 კი ხელშეკრულებითაა აყვანილი. გასულ წელს აქ პრემია 17 236 ლარი სამ ააიპ–ში ასე გადანაწილდა:
• კომუნალური, კეთილმოწყობისა და დასუფთავების სამსახური – 10 700 ლარი.
• კომპლექსური სასპორტო სკოლა – 6 500 ლარი.
• მთავარი ბიბილიოთეკა – 36 ლარი გაიცა.
რამდენი ააიპ–სთვის გაწერს ნინოწმინდის მერია მიმდინარე წელს პრემია–დანამატებს უცნობია. მუნიციპალიტეტიდან აღნიშნულ კითხვაზე პასუხი ვერ მივიღეთ.
ასპინძა
ასპინძის მუნიციპალიტეტში 10 ააიპ–ი ფუნქციონირებს და 216 თანამშრომელია დასაქმებული. გასულ წელს პრემია–დანამატები ხუთ მათგანში გაიცა. 23 658 ლარი ხუთ ააიპ–ში გაიცა:
• პრემია ასპინძის სასპორტო გაერთიანება– 4 948 ლარი.
• საზოგადოებრივი ჯანმრთელობის ცენტრი – 1 080 ლარი.
• ასპინძის სახელოვნებო და სამუზეუმო დაწესებულებათა გაერთიანება – 9 530 ლარი.
• გარეგანათება – 3 750 ლარი.
• მელიორაცია და სოფლის სასმელი წყალი – 4 350 ლარი.
• მიმდინარე წელს ასპინძის მერიას ააიპ–ებისთვის პრემია–დანამატები ბიუჯეტიდან გაწერილი არ აქვს.
ახალქალაქი
ახალქალაქის მუნიციპალიტეტში 14 ააიპ–ი მუშაობს და 515 ადამინია დასაქმებული, მათგან 22 ხელშეკრულებითაა აყვანილი. 2018 წელს პრემია დანამატისათვის 56 313 ლარი 11 ააიპ–ის თანამშრომლებისთვის გაიცა:
• საბავშვო ბარების გაერთიანება - 21 040 ლარი.
• საკლუბო გაერთიანება - 3 061 ლარი.
• სააშუღო სკოლა - 88 ლარი.
• საბიბლიოთეკო გაერთიანება - 360 ლარი.
• მომავლის სახლი - 728 ლარი.
• მხარეთმცოდნეობის მუზეუმი - 1 515 ლარი.
• დახურული საცურაო აუზი - 69 ლარი.
• სპორტული კომპლექსი - 1 410 ლარი.
• სპორტული სკოლა - 6 885 ლარი.
• საზოგადოებრივი ჯანმრთელობის დაცვა - 157 ლარი.
• სერვისცენტრი - 21 000 ლარი.
• მერიისგან ინფორმაცია ვერ მივიღეთ თუ რამდენი ააიპ–სთვისაა გაწერილი მიმდინარე წელს პრემია–დანამატები.
ადიგენი
ადიგენის მუნიციპალიტეტში რვა ააიპ–ია. აქ 243 თანამშრომელი მუშობს და მათგან 26 ხელშეკრულებითაა აყვანილი. შარშან 7 916 ლარის პრემია–დანამატი სამ ააიპ–ში გაიცა:
• წყალმომარაგება – 3 792 ლარი.
• სამუსიკო სკოლა – 3 015 ლარი.
• მთავარი ბიბლიოთეკა – 1 109 ლარი.
ადიგენის მუნიციპალიტეტის ააიპ–ებსთვის პრემია დანამატები 2019 წლის ბიუჯეტში გათვალისიწნებული არ არის.
სამცხე-ჯავახეთის მუნიციპალიტეტების ააიპ–ების სახელფასო ფონდი 2018 წელს 10 259 789 ლარით იყო განსაზღვრული.
[თორნიკე ზაზაძე, ახალციხე]