ორ წელში ასპინძის მერიამ სტუმრების ვახშმისთვის 11 000–მდე ლარი დახარჯა

ასპინძის ადგილბორივ ბიუჯეტში წარმომადგენლობითი ხარჯებისთვის 2017 წელს 5 000, მიმდინერე წელს კი ამავე მუხლში 5 994 ლარი იყო გათვალისწინებული.

შარშან წარმომადგენლობითი ხარჯიდან მთლიანი თანხა რეგიონულ ფოლკლორულ ფესტივალზე მიწვეული სტუმრების გასამასპინძლებლად დაიხარჯა. 5 000 ლარი მერიამ შპს „ვარძიას“ ჩაურიცხა.

2018 წელს წარმომადგენლობითი ხარჯიდან ორ დღეში, 20 და 21 ივნისს 2 570 ლარი დაიხარჯა. ეს თანხა სამცხე–ჯავახეთის გუბერნიის მიერ ინიცირებული პროექტის ფარგლებში, ასპინძაში მყოფი სტუდენტებისა და ადგილობრივი თვითმმართველობის წარმომადგენლების გამასპინძებისთვის გამოიყო. 20 ივნისს მათი სადილისთვის 1 160 ლარი ასპინძის შესასვლელში მდებარე რესტორან „ჩიკოში“ გადაირიცხა და ხელშეკრულება მის წარმომადგენელთან მამუკა ბერიძესთან გაფორმდა. ასევე, 20 და 21 ივნისს, ამავე სტუმრების ვახშმისთვის მერიამ 1 409 ლარი ამჯერად ვარძიაში მდებარე სასადილოში გადაიხადა და შესაბამისი ხელშეკრულებაც მის წარმომადგენელთან კონსტანტინე ბუცხრიკიძესთან გააფრომა.

ექვს სექტემბერს ასპინძის მუნიციპალიტეტის ტერიტორიაზე ინფრასტუქტურული პროექტების დათვალიერებისა და ტურისტული პოტენციალის შესწავლის მიზნით სტუმრების გამასპინძლებისათვის 361 ლარი დაიხარჯა, ამ შემთხვევაშიც მუნიციპალიტეტმა თანხა ინდივიდუალურ მეწარმესთან კონსტანტინე ბუცხრიკიძეს გადარიცხა.

ასპინძის მერიამ ვახშამზე სტუმრები რესტორან „ჩიკოში“ შოთაობის სახლახო დღესასწაულის შემდეგაც მიიწვია. ხუთ ოქტომბერს ამისთვის ადგილობრივი ბიუჯეტიდან 3 063 ლარი გაიწერა.

[თორნიკე ზაზაძე, ასპინძა]