'შოთაობის' დღესასწაულისთვის ასპინძის გამგეობამ 29 000 ლარი დახარჯა

2014 წლისგან განსხვავებით "შოთაობის" დღესასწაულის გამართვა მუნიციპალიტეტის გამგეობას დაახლოებით 9.114 ლარით მეტი დაუჯდა. შარშან აღნიშნული ღონისძიებისთვის 20.000–მდე ლარი გამოიყო.

წლევანდელ "შოთაობაზე" ყველაზე მეტი თანხა 12.817 ლარი, წარმომადგენლობითი ხარჯებისთვის გამოიყო, თუმცა კონკრეტულად რაში დაიხარჯა აღნიშნული თანხა, ასპინძის მუნიციპალიტეტის გამგეობისგან მიღებულ წერილში დაკონკრეტებული არ არის.

ასპინძის მუნიციპალიტეტის გამგეობის ადმინიტრაციის სამსახურის უფროსი ანა ტივაძე ამბობს, რომ აღნიშნული თანხა ღონისძიებაზე მოწვეული სტუმრების გასამასპინძლებლად და ფაცხებში მესხური კერძების მოსამზადებლად დაიხარჯა.

კონცერტისთვის მოწყობილი სცენის მონტაჟისთვის (მასალის შეძენა) და დემონტაჟისთვის 2.943.94 ლარი დაიხარჯა. ბენდის დაქირავებისთვის 3.625 ლარი, 2.300 ლარი აპარატურის დაქირავებისთვის.

2.200 ლარი დაიხარჯა გაზეთის სპეციალური ნომრის გამოსაშვებად. 1000 ლარი მოსახლეობის ტრანსპორტირებისთის.
საწვავის, ოდებისთვის გადასახური მასალის, საჭიდაო მოედნის მოწყობის, სპორტული ინვენტარის ატანისთვის, მონაწილეების ტრანსპორტირებისთვის დააშ. 1.898.60 ლარი, დროშების შესაძენად 1.050 ლარი დაიხარჯა, სცენის მოწყობისთვის ბიაზის შესაძენად–180 ლარი, აფიშების შესაძენად 500 ლარი, მოსაწვევი ბარათების შესაძენად 300 ლარი, ამდენივე დასჭირდა წამყვანის დაქირავებას.

[თინათინ ზაზაძე, ასპინძა]