ზამთრის კურორტებზე სათხილამურო სეზონი დასრულდა

ეკონომიკისა და მდგრადი განვითარების სამინისტროს „მთის კურორტების განვითარების კომპანიის“ ინფორმაციით, 2016- 2017 წლებთან შედარებით, ამ წელს, ბაკურიანში, ვიზიტორების რაოდენობამ 15 %–ით მოიმატა. კურორტს ამ სეზონზე 132 704 ვიზიტორი ეწვია.

2017–2018 წლებში, კურორტ გუდაურში 345 997 ვიზიტორი დაფიქსირდა, რაც გასულ წელთან შედარებით, 25 %–ით მეტია.

კურორტი გოდერძზე, რომელიც მესამე წელია მასპინძლობს დამსვენებლებს, გასულ წელთან შედარებით, წელს ვიზიტორების რაოდენობა 129%–ითაა გაზრდილი. მთლინობაში 10 283 ვიზიტორმა დაისვენა.

სვანეთში, კურორტ თეთნულდზე წინა წლის ანალოგიურ პერიოდთან შედარებით, ვიზიტორთა რაოდენობა 122 %–ით, ხოლო ჰაწვალზე 119 %–ით არის გაზრდილი. თეთნულდსა და ჰაწვალს ჯამში 35 890 ვიზიტორი ეწვია.

სამინისტროს ინფორმაციით, ბოლო შვიდი წლის განმავლობაში, საქართველოს ოთხივე სამთო-სათხილამურო კურორტზე ტურისტების რაოდენობა 491%-ით გაიზარდა.

[sknews.ge]