ენზელ მკოიანი ჩანდურაში მომხდარზე: ‘ეგ ნაციონალების დადმგული შოუა’

ენზელ მკოიანი ამბობს, რომ იგი დღეს, შვიდ ნოემბერს, დღის მეორე ნახევარში ჩანდურაში იმყოფებოდა. მან აქ ფეხბურთის ჩემპიონატში გამარჯვებულებს საჩუქრები გადასცა, მომხდარის შესახებ კი ახალქალაქში, შტაბში დაბრუნების შემდეგ გაიგო: „მთელი დღე შტაბში ვიყავი და ვმუშაობდი, ცოტახნით გავედი ჩანდურაში, რომ საჩუქრები გადამეცა გამარჯვებულებისთვის, მოვბრუნდი და რუსთავი ორმა გადმოსცა, „ნაციონალების“ აქტივისტს სცემესო. როგორც ვიცი ჩვეულებრივი შეკამათება იყო იქ არაფერი განსაკუთრებული არ მომხდარა. ამ ადამიანს სახეზეც არ ვიცნობ. ჩემი ოჯახის წევრებმაც კი არ იციან ვინაა“.

სოფელ ჩანდურაში "ნაციონალების" აქტივისტის ცემაში "ქართული ოცნების" მხარდამჭერებს ადანაშაულებენ. "ოცნების" წარმომადგენლები კი აცხადებენ, რომ დაპირისპირება იყო, თუმცა აქ პოლიტიკური მოტივი არ ყოფილა და ახალგაზრდები ფეხბურთის თამაშის დროს შეკამათდნენ.

დაშავებული ერმიკ პოღოსიანი ახალქალაქის რეფერალურ ჰოსპიტალში იმყოფება, მას დაზიანებები თავის არეში აქვს მიყენებული. მისი გამოკითხვა ახალქალაქის რაიონული სამმართველოს თანამშრომლებმა უკვე დაასრულეს. როგორც შინაგან საქმეთა სამინისტროში აცხადბენ, მან დაპირისპირების ფაქტი კატეგორიულად უარყო, თუმცა დაზარალებულის ვერსიის სისწორის დასადგენად გამოძიება მიმდინარებს.

მომხდარს შსს სსკ–ის 126–ე მუხლით იძიებს, რაც ცემას გულისხმობს.

[მარიამ ბარძიმაძე, ახალქალაქი]