ახალციხეში საკონსტიტუციო ცვლილებებს განიხილავენ

შეხვედრას ადგილობრივი ხელისუფლებისა და არასამთავრობო ორგანიზაციების წარმომადგენლები და ახალციხის მცხოვრებლები ესწრებიან. დისკუსიას საპარლამენტო უმრავლესობის წარმომადგენლები, ვახტანგ ხმალაძე და ზურაბ აბაშიძე უძღვებიან.

საკონსტიტუციო ცვლილებების საყოველთაო-სახალხო განხილვები, ეროვნულ-დემოკრატიული ინსტიტუტის ორგანიზებით, მთელი ქვეყნის მასშტაბით ეწყობა.

განხილვები კონსტიტუციის სამი საკითხის ცვლილებასთან დაკავშირებით მიმდინარეობს. ერთ-ერთი ცვლილება ორმაგი მოქალაქეობის მქონე პირის საქართველოს პრეზიდენტის, პრემიერ-მინისტრის ან პარლამენტის თავმჯდომარის თანამდებობის დაკავების საკითხს ეხება. მეორე ცვლილება საქართველოს მთავრობის მიერ ინიცირებულ კანონპროექტებთან დაკავშირებით საქართველოს პარლამენტის წინაშე მთავრობის ნდობის საკითხის დასმას უკავშირდება. მესამე პროექტი კი საქართველოს კონსტიტუციის გადასინჯვის კანონპროექტსა და კონსტიტუციური კანონის პროექტზე პრეზიდენტის ვეტოს დაძლევისათვის საჭირო კვორუმის საკითხებს ეხება.

ახალციხემდე, დღეს, განხილვა გორში მოეწყო. შემდგომ კი დასავლეთ საქართველოში გაგრძელდება.

[sknews.ge]