ახალქალაქში საკონსტიტუციო ცვლილებებს განიხილავენ

დღეს, 27 მაისს, საკონსტიტუციო ცვლილებების განხილვა ახალქალაქის თეატრის შენობაში, 12:00 საათზე დაიწყება.

მონაწილეები საქართველოს კონსტიტუციის ცვლილებების პროექტის ახლებურ დებულებებს განიხილავენ, რომელის მიხედვითაც: იცვლება პრეზიდენტის არჩევის წესი. არჩევნების შედეგად გაუნაწილებელი მანდატები გამარჯვებულ პარტიას მიკუთვნება, იკრძალება საარჩევნო ბლოკები.

ცვლილებების საჯარო განხილვის პირველი ეტაპი, ქვეყნის მასშტაბით, 5–დან 15 მაისამდე მიმდინარეობდა. პარლამენტის თავმჯდომარის, ირაკლი კობახიძის გადაწყვეტილებით, მეორე ეტაპზე კიდევ ათი ქალაქი დაემატა, სადაც საკონსტიტუციო ცვლილებების განხილვა დაიგეგმა. ეს ქალაქებია: ზესტაფონი, სიღნაღი, ხულო, მარნეული, ახალქალაქი, ოზურგეთი, ფოთი, ყაზბეგი მესტია, თბილისი.

ახალქალაქის შემდეგ, 29-30 მაისს საკონსტიტუციო საკითხებზე თბილისში იმსჯელებენ.

[sknews.ge]