დღეს ახალციხეში საკონსტიტუციო ცვლილებების განხილვა გაიმართება

საორგანიზაციო კომისია, რომელსაც პარლამენტის თავმჯდომარე ირაკლი კობახიძე ხელმძღვანელობს, სამცხე–ჯავახეთში მცხოვრებლებს მესხეთის სახელმწიფო თეატრში შეხვდება. შეხვედრა 12:00 საათზე დაიწყება.

საკონსტიტუციო ცვლილებების საყოველთაო განხილვა 5 მაისს ქუთაისიდან დაიწყო და 15 მაისს თბილისში დასრულდება.

საქართველოს კონსტიტუციის ცვლილებების პროექტის ახლებურ დებულებების მიხედვით იცვლება პრეზიდენტის არჩევის წესი. არჩევნების შედეგად გაუნაწილებელი მანდატები გამარჯვებულ პარტიას მიკუთვნება. ასევე მნიშვნელოვანი ცვლილებაა საარჩევნო ბლოკების აკრძალვაც.

საორგანიზაციო კომისია რეგიონების მასშტაბით გასვლით სხდომებს ყოველდღიურად გამართავს. 11 დღის განმავლობაში - 5 მაისიდან 15 მაისის ჩათვლით, დაგეგმილია განხილვები შემდეგ ქალაქებში: ქუთაისი, ამბროლაური, ოზურგეთი, ბათუმი, ზუგდიდი, ახალციხე, გორი, თელავი, მცხეთა, რუსთავი და თბილისი.

[sknews.ge]