ახალქალაქიდან თბილისში მეოთხე დაშავებულიც გადაიყვანეს

ტრავმატოლოგიური კლინიკის საზოგადოებასთან ურთიერთობის სამსახურში „სამხრეთის კარიბჭეს“ განუცხადეს, რომ დაშავებული ოთხივე პირის მდგომარეობის შესახებ, მკურნალი ექიმი განცხადებას მოგვიანებით გაავრცელებს: „ამ წუთში ის სხვა ოპერაციაზეა შესული და ჩვენ ჯერ ვერაფერს გეტყვით.

დაშავებულები, დაახლოებით, ერთი საათის წინ ენმ–ს წარმომადგენელმა თეონა ჭალიძემ მოინახულა. მისი თქმით, არცერთ მათგანს ქირურგიული ჩარევა არ დასჭირვებია. დაშავებულებს გამოკვლევები ჩაუტარდათ და ახლა პალატაში იმყოფებიან“.

შეგახსენებთ, რომ ენმ–ს ოფისზე თავდასხმა დღეს, 30 ოქტომბერს, დაახლოებით, 13:00 საათზე მოხდა. ენმ–ს რაიოული ორგანიზაციის ხელმძღვანელი აშოტ რაისიანი ამბობს, რომ მას და მის თანაგუნდელებს თავს, ახალქალაქსა და ნინოწმინდაში "ოცნების" დეპუტატის ენზელ მკოიანის ძმა და "ოცნების აქტივისტები დაესხნენ. შემთხვევის შედეგად ოთხი ადამიანი დაშავდა:აშოტ რაისიანი, აბრაამ აბრაამიანი, ტიგრან აბრაამიანი და მიშა აგაბაბიანი. ოთხივე მათგანი ახალქალაქის ცენტრალურ საავადმყოფოში გადაიყვანეს.

შინაგან საქმეთა სამინისტრო მომხდარს სსკი–ის 239 მუხლის მეორე და მესამე ნაწილით იძებს. რაც გულისხმობს წინასწარი შეთანხმებით ჯგუფის მიერ ჩადენილ ხულიგნობას, რა დროსაც გამოყენებული იყო ცეცხლსასროლი იარაღი, ან იარაღად სხვა საგანი.

[sknews.ge]