ახალციხეში განვითარების შეფერხების რისკის მქონე ბავშვებს უფასოდ გამოიკვლევენ

“პირველი ნაბიჯის” კონსულტაციის, ინტერვენციის და თერაპიის ცენტრის გამოცდილი სპეციალისტები იმ ბავშვებს გასინჯავენ, ვისაც სამედიცინო, ქცევითი, ემოციური, მეტყველების განვითარებასთან დაკავშირებული ჩივილები აქვთ, ან ბავშვს უჭირს ასაკის შესაბამისად ყოცელდღიურ აქტივობებში ჩართვა / თანატოლებთან ურთიერთობის დამყარება.

პედიატრი, ფსიქოლოგი, მეტყველების თერაპევტი და ოკუპაციური თერაპევტი გაარკვევს, სჭირდება თუ არა ბავშვს სპეციალისტის დახმარება განვითარების ხელშეწყობისთვის.

უფასო შეფასების ბოლოს, საჭიროების შემთხვევაში მშობელი მიიღებს მზა წერილობით რეკომენდაციებს ბავშვთან დაკავშირებით მეტყველების სტიმულირების, ქცევის მართვის, კვებისა და ტუალეტის უნარ-ჩვევების გასაუმჯობესებლად, ემოციური სფეროს გასავითარებლად და სხვა, ასევე ადრეული განვითარების პროგრამაში ჩართულობის საჭიროების შემთხვევაში მშობელი დაკვალიანდება, როგორ ჩაერთოს ადგილობრივ უფასო სახელმწიფო პროგრამაში.

უფასო სკრინინგ აქცია ჩატარდება 27 ოქტომბერს, შაბათს, ახალციხეში, ორგანიზაცია „საქართველოს პორტიჯის ასოციაცია ახალციხეში“, მისამართზე: რუსთაველის ქ. # 106 (სამცხე - ჯავახეთის სახელმწიფო უნივერსიტეტის I კორპუსი).

ხოლო 28 ოქტომბერს, კვირას, ახალციხეში, ფსიქოლოგიური მომსახურების ცენტრში „მწვანე სახლი“ მისამართზე: კლდიაშვილის ქ. # 25 მიმდებარედ.

ადგილები შეზღუდულია, რეგისტრაცია ხდება წინასწარი ჩაწერით, რეგისტრაციის გავლა შესაძლებელია 26 ოქტომბრამდე,

ჩაწერისთვის დაუკავშირდით: თამარ ნოზაძე - 568480015; ანა ურიდია - 579040119
ყოველ დღე 10 დან 18 საათამდე კვირის გარდა.

[sknews.ge]