ახალციხეში ბავშვთა ადრეული განვითარების პროგრამის ცენტრი გაიხსნა

ცენტრი, სამცხე–ჯავახეთის სახელმწიფო უნივერსიტეტის ბაზაზე, World Vision საქართველოს მხარდაჭერით გაიხსნა.

ერთი წელია ნათია მინდობით აღზრდაში 3 და 2 წლის შეზღუდული შესაძლებლობების მქონე ბავშვებს ზრდის. მისი ორივე პატარა ადრეული განვითარებს პროგრამაშია ჩართული.



ბავშვთა ადრეული განვითარება, ანუ ბავშვთა ადრეული ჩარევა არის მომსაურება, რომელიც ხელს უწყობს ბავშვის ფიზიკური, სოციალურ–ემოციური, კომუნიკაციის, შემეცნებითი და თვით–მოვლის უნარების განვითარებას; ხელს უწყობს ბავშვის სოციალიზაციას და საგანმანათლებლო დაწესებულებაში ჩართვას, ასევე, ბავშვის ოჯახის გაძლიერებას აღზრდა–განვითარების საკითხებში.

პროგრამის მთავარი იდეაა, ბავშვმა მიიღოს მომსახურება და განივითაროს სხვადასხვა მნიშვნელოვანი უნარები მისთვის ბუნებრივ გარემოში (ოჯახში, საბავშვო ბაღში, მცრე ჯგუფებში და სხვა).

პროგრამა სამცხე–ჯავახეთში, ახალციხეს, ვალეს, სხვილისს, მინაძეს, ადიგენს, უდეს, არალს, აბასთუმანს, ასპინძასა და ტოლოშს მოიცავს.
აღნიშნულ პროგრამაში ჩართვა 7 წლამდე ასაკის განვითარების ეტაპების დაყოვნების, განვითარების შეფერხების, შშმ ბავშვებისა და მათი ოჯახებისთვისაა შესაძლებელი.

პროგრამაში ჩართვის მსურველმა ამ ცენტრს უნდა მიაკითხოს. ამ ეტაპზე ცენტრში გადამზადებას უფასოდ 10 ბავშვი გადის.

„10–მა ბავშვმა მიიღო ვაუჩერი, უკვე გვაქვს სასტარტო ბაზა იმისათვის, რომ არ გავჩერდეთ. გადავამზადეთ სეპეციალისტები, მოვიძიეთ ბავშვები, დავიწყეთ მათთან მოსამზადებელი სამუშაოები, ეხლა უკვე ვიმუშავებთ. იმედი გვაქვს, რომ ბავშვთა რაოდენობა გაიზრდება“, – ამბობს საქართველოს პორტიჯის ასოციაციის წარმომადგენელის ნინო ცინცაძე.



ახალციხეში ადრეული განვითარების (ჩარევის) ცენტრი, ინვენტარით და საჭირო სათამაშოებით, World Vision საქართველოს სამცხე-ჯავახეთის სამხარეო განვითარების პროგრამის ოფისმა აღჭურვა.

„ორგანიზაციის ფინანსური მხარდაჭერით გადამზადნენ ის სპეციალისტებიც, რომლებიც აღნიშნულ ბავშვებთან და მათ მშობლებთან იმუშავებენ“, – ამბობს World Vision–ის წარმომადგენელი ნინო ლომიძე.

[თინათინ ზაზაძე, ახალციხე]