ბორჯომის მუნიციპალიტეტის მოსახლეობას უფასოდ გამოიკვლევენ

30-31 ოქტომბერს დილის 11:00 საათიდან კ.ერისთავის სახელობის ქირურგიის ეროვნული ცენტრის ექიმები ბორჯომელებისთვის უფასო პროფილაქტიკურ გასინჯვებს ჩაატარებენ.

აქციის ფარგლებში უფასო კონსულტაციებს ცენტრის სხვადასხვა პროფილის მაღალპროფესიონალი ექიმები აწარმოებენ: ზოგადი ქირურგი, ანგიოქირურგი, უროლოგი, გინეკოლოგი, ტრავმატოლოგი, ოფთალმოლოგი, თერაპევტი, კარდიოლოგი, ნევროპათოლოგი, ენდოკრინოლოგი.

საჭიროების შემთხვევაში ასევე ჩატარდება უფასო ექოსკოპიური და კარდიოლოგიური გამოკვლევები, გლუკოზის განსაზღვრა სისხლში, ოფთალმოსკოპიური კვლევები.

ქირურგიის ეროვნული ცენტრი გასინჯულ პაციენტებს უზრუნველყოფს საჭირო მედიკამენტებით.

უფასო კონსულტაციებისთვის თბილისიდან მოწვეულ ექიმებს მსურველებმა შემდეგ მისამართზე უნდა მიაკითხონ: ბორჯომი, ვაშლოვანის ქუჩა N4 (ყოფილი საავადმყოფოს შენობა).

[თამარ თოთაძე, ბორჯომი]