შალვა ბერძენიშვილი: ‘სამცხე–ჯავახეთში ტურიზმის განვითარებისთვის დიდი პოტენციალია’

სამცხე–ჯავახეთს გუბერნატორის მოადგილე შალვა ბერძენიშვილი მეორე კვირაა რეგიონში მიმდინარე პროექტებს ეცნობა. იგი აღნიშნულ პოზიციაზე პირველ ოქტომბერს დაინიშნა.

„სამცხე–ჯავახეთში ტურიზმის განვითარებისთვის დიდი პოტენციალია. ეს ძალიან დასაფასებელია და პირველ პლანზეა წამოსაწევი. ასეთი პოტენციალი შეიძლება ბევრ კუთხეს არ ჰქონდეს. რეგიონის ცნობადობა უნდა გაიზარდოს. უნდა მოვიზიდოთ ტურისტი, რომელსაც აინტერესებს მთაც, რელიგიაც. ამისთვის კი რეგიონში პირველ რიგში საგზაო ინფრასტრუქტურა უნდა მოწესრიგდეს“, – ამბობს ბერძენიშვილი.



1992 წელს დაამთავრა საქართველოს პოლიტექნიკური ინსტიტუტის სატრანსპორტო ფაკულტეტის სპეციალობა ავტომატიკა, ტელემექანიკა, კავშირგაბმულობა რკინიგზის ტრანსპორტი.

1993 წელს გაიარა საქართველოს არენდატორთა, აქცონერთა და თავისუფალ მეწარმეთა კავშირთან არსებული საბუღალტრო აღრიცხვის და საგადასახადო დაბეგვრის კურსი;

სამუშაო გამოცდილება:

1991–1993 წლებში მუშაობდა საქართველო–ავსტრია-იზრაელის ერთობლივ საწარმო „მ.ჯ. არრიდილიაში“ კომერციული სამსახურის სპეციალისტად;

1993–1998 წლებში - საქართველოს რკინიგზაში სხვადასხვა დროს სხვადასხვა პოზიცია ეკავა. ბოლოს იყო რკინიგზის დეპარტამენტის სამეცნიერო–ტექნიკური ინფორმატიკის სამსახურში წამყვანი ინჟინრის თანამდემობაზე;

1998–2010 წლებში – „თბილისის საერთაშორისო აეროპორტში“ სხვადასხვა პოზიცია ეკავა. ბოლოს იყო აეროპორტის კომერციული სამსახურის უფროსი;

2007-2014 წლებში – შპს „ბი–სი კონსალტინგის“ მიწვეული სპეციალისტი;

2010-2015 წლის მარტამდე – ფარმაცეპტული კომპანია შპს „მერმისის“ ფინანსური დირექრორი;

2010-2015 წლის მარტამდე – კლინიკა „ნეომედის" დირექტორი;

2012–2014 წლებში - შპს ”FA Consulting “-ის მიწვეული სპეციალისტი საგადასახადო, საფინანსო და ეკონომიკური საკითხების ექსპერტის სტატუსით;

2015 წლის დასაწყისიდან სექტემბრამდე შპს „სანნის“ ფინანსური დირექტორი;

2015 წლიდან დღემდე შპს „უნივერსალ - კონსალინგის“ მიწვეული სპეციალისტი საგადასახადო, საფინანსო და ეკონომიკური საკითხების ექსპერტის სტატუსით;

2017 წლის ივლისიდან დღემდე შპს „ჰერიოს“ იურისტი;

2018 წლის თებერვლიდან დღემდე „საქართველოს ადგილობრივი თვითმმართველი ერთეულების ფინანსისტთა ასოციაცია“ მოძრავი ქონების აღრიცხვა-აღწერის ჯგუფის ხელმძღვანელი.

[თინათინ ზაზაძე, ახალციხე]