ერთი სკოლიდან, მეორე კი უსაფრთხოებიდან – რა გამოცდილება აქვთ ახალციხის მერის მოადგილეებს

ზაზა თამარაშვილი 1971 წლის 16 ოქტომბერს დაიბადა. 1988–1993 წლებში დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა – მათემატიკის ფაკულტეტი.

1993 – 1994 წლებში იყო ახალციხის მეხუთე საჯარო სკოლის მათემატიკის მასწავლებელი.
1993 – 1997 წლებში იყო თბილისის სახელმწიფო უნივერიტეტის ახალციხის ფილიალის მათემატიკა – ასტრონომიის კათედრის ლაბორანტი.
1994 წლიდან დღემდე ხელმძღვანელობს ახალციხის სახელმწიფო სასწავლო უნივერსიტეტის ვოკალურ ანსამბლს „თამარიონს“.
1996 წლიდან დღემდე არის ახალციხის მეექვსე საჯარო სკოლის დირექტორი.
2000 წლიდან დღემდე ასევე ხელმძღვანელობს ბიჭუნათა ფოლკლორულ ანსამბლ „შავლეგოს“ და „მესხეთს“.
ჰყავს მეუღლე და ორი შვილი.

ზაზა გელაძე 1973 წლის 10 სექტემბერს დაიბადა. 1980–1991 წლებში დაამთავრა ახალციხის პირველი საჯარო სკოლა.
1996 წელს დაამთავრა თბილისის ივანე ჯავახიშვილის სახელობის ახალციხის ფილიალის ეკონომიკის ფაკულტეტი. სპეციალობით ეკონომისტი.
2007 – 2012 წლებში იყო ტაოპრივატბანკის ინკასაციის ჯგუფის უფროსი.
2005 – 2006 წლებში იყო ბაქო – თბილისი ჯეიჰანის ნავთობსადენის კომპანიაში უშიშროების დეპარტამენტის ოფიცერი.
2004 წელში იყო ბაქო – თბილისი ჯეიჰანის ნავთობსადენის კომპანიის ღამის მძღოლი.
ამავე წლის მარტში იყო ბაქო – თბილისი ჯეიჰანის ნავთობსადენის კომპანიის უსაფრთხოების დეპარტამენტის ცვლის უფროსი.
2001 – 2003 წლამდე იყო სამცხე– ჯავახეთის ელექტროკავშირის დაცვის უფროსი.
1997 წლიდან 1998 წლამდე იყო სამცხე– ჯავახეთის რეგიონული ტერმინალის დაცვის ინსპექტორი.

[მანანა სარაშვილი, ახალციხე]