წყალმომარაგების კომპანიის სამცხე–ჯავახეთის რეგიონულ ფილიალს დღეიდან ახალი მენეჯერი ჰყავს

წყალმომარაგების კომპანიის სამცხე–ჯავახეთის რეგიონული ფილიალის ახალი მენეჯერი, გიორგი თათეიშვილი მუშაობას ხვალიდან, 13 აგვისტოდან შეუდგება.

გიორგი თათეიშვილი წყალმომარაგების კომპანიაში 2010 წლიდან მუშაობს. იყო იმერეთის, ლაჭა–ლეჩხუმის და ქვემო სვანეთის რეგიონული ფილიალების მენეჯერი, 2012–2013 წლებში კი შიდა ქართლის რეგიონული ფილიალის შემოსავლების სამსახურის უფროსი. ვიდრე სამცხე–ჯავახეთის რეგიონული ფილიალის მენეჯერად დაინიშნებოდა წყალმომარაგების კომპანიის ქვემო ქართლის რეგიონული ფილიალის შემოსავლების სამსახურში უფროსის თანამდებობა ეკავა.

გიორგი თათეიშვილი ასევე სხვადასხვა დროს სხვადასხვა პოზიციაზე მუშაობდა ყაზტრანსგაზ–თბილისშიც.

1994–1998 წლებში დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საინჟინრო–ეკონომიური ფაკულტეტი.

შეგახსენებთ, რომ წყალმომარაგების კომპანიის მენეჯერის პოსტი 12 ივლისიდან ვაკანტურია. ყოფილმა ხელმძღვანელმა გიორგი ბაგინაშვილმა სამსახური პირადი განცხადების საფუძველზე დატოვა. ამ დრომდე წყალმომარაგების კომპანიის სამცხე–ჯავახეთის რეგიონული ფილიალის მენეჯერის მოვალეობას ლევან ნოზაძე ასრულებდა.

[თინათინ ზაზაძე, ახალციხე]