აბასთუმანში ორ ოჯახს სახლის დატოვება კომპენსაციის გარეშე მოუწია

მარინა მანუკიანმა, რომელიც აბასთუმანში რუსთაველის N84-ში ცხოვრობს, სახლი ერთი კვირის წინ დატოვა. ახლა ნაქირავებ ბინაში ავეჯი და პირადი ნივთები გადააქვს: „რამდენ ხანს მომიწევს ქირით ყოფნა არ ვიცი. მითხრეს, რომ უნდა წავსულიყავი და ქირით გადავედი საცხოვრებლად.
ნაცნობია და მაცდის, ვიდრე კომპენსაციას მომცემენ. როგორც ამიხსნეს, მერე თბილისში ჩავალთ ანგარიშების გასახსნელად. ალბათ იმათ გადაურიცხავენ ფულს, ვისგანაც ბინებს ვქირაობთ, მაგრამ ეს როდის იქნება არ ვიცით“.



მანუკიანთან ერთად სახლის დატოვება მოუწია მის გვერდით, რუსთაველის N80–ში მცხოვრებ კიდევ ერთ ოჯახს, რომელიც დროებით თავს ახლობელთან აბარებს.

„მუნიციპალური განვითარების ფონდში“ ინფორმაციის გამოთხოვა იმის შესახებ, თუ როდის მიიღებენ გასახლებული ოჯახები კომპენსაციას წერილობით გვთხოვეს.

აბასთუმანში ისტორიული სახლების რეაბილიტაციისას საცხოვრებლების დატოვება 20 ოჯახს მოუწევს, თუმცა მგფ–ში ამბობენ, რომ სამუშაოების პროცესში შესაძლოა 20–ზე მეტი ოჯახის გამოსახლება გახდეს საჭირო.

აბასთუმანში 18 სახლის სარეაბილიტაციო სამუშაოები მიმდინარე წლის აპრილში დაიწყო, შენობების რეაბილიტაციისთვის 3 715 305 ლარია განსაზღვრული.



[ლუბა გიორგაძე, ადიგენი]