ახალციხეში მასწავლებლებს ღონისძიება მიუძღვნეს

დღეს, 5 ოქტომბერს მასწავლებელთა დღისადმი მიძღვნილ ღონისძიებას ახალციხის მუნიციპალიტეტის სკოლებიდან 44 მასწავლებელი დაესწრო.

"სკოლებში თვითონ აარჩიეს ყველაზე მეტად ღვაწლმოსილი და დამსახურებული პედაგოგები და სწორედ ისინი ესწრებიან კონცერტს. ყველა სკოლიდან თითო მასწავლებელია, თუმცა დიდი სკოლებიდან ორ–ორი პედაგოგი მოვიწვიეთ", – ამბობს ახალციხის მერიის კულტურის სამსახურის უფროსი ზაზა თამარაშვილი.

ღონისძიებაზე იმყოფებოდა აწყურის სკოლის მასწავლებელი ცისანა გელაძე: "51 წლის განმავლობაში ბევრ თაობას გაუვლია ჩემს ხელში. ძალიან ბევრი გამორჩეული და კარგი ახალგაზრდა აღვზარდე. ამ ბავშვების მიმართ დიდი სიყვარულის დამსახურებაა, რომ ისევ მასწავლებელი ვარ. მიყვარს ჩემი პროფესია. ახალგაზრდა რომ ვიყო, ისევ ამ პროფესიას ავირჩევდი".

ღონისძიების ბოლოს, მიწვეულ პედაგოგებს სიმბოლური საჩუქრები გადასცეს.



[მარიამ ბარძიმაძე, ახალციხე]