ახალციხის გამგეობამ ღვაწლმოსილ პედაგოგებს პროფესიული დღე აღუნიშნა

ახალციხის მუნიციპალიტეტის გამგეობის კულტურის სამსახურის ორგანიზებით, ღონისძიება ახალციხეში, ადმინისტრაციულ შენობაში შედგა.

ღონისძიებაში მუნიციპალიტეტის მასშტაბით ნიჭიერი ახალგაზრდები მონაწილეობდნენ. მათ პედაგოგებს ლექსები და სიმღერები მიუძღვნეს.

„დღეს ამაყი ვარ, რომ პედაგოგი მქვია“,– ამბობს ვალის მეორე საჯარო სკოლის მასწავლებელი თინა გოზალიშვილი.

ახალციხის მუნიციპალიტეტის გამგებობის კულტურის სამსახურის უფროსის, მაია სხირტლაძის თქმით, დღევანდელი დღე პედაგოგთა საერთაშორისო დღეს და ღვაწლმოსილ პედაგოგებს მიეძღვნა: „მუნიციპლიტეტის მასშტაბით სულ 31 სკოლა გვაქვს, ამ სკოლებიდან 31 ღვაწლმოსილი პედაგოგი მოვიწვიეთ. სკოლის მოსწავლეებმა, კი მათთვის საკუთარი დაწერილი ლექსები და სიმღერები შეასრულეს“.

ღონისძიების დასასრულს, ღვაწლმოსილ პედაგოგებს და ღონისძიებაში მონაწილე სკოლის მოსწავლეებს, ახალციხის მუნიციპალიტეტის გამგეობის კულტურის სამსახურისგან სიმბოლური საჩუქრები, წიგნები გადაეცათ.

[ვარლამ წიკლაური, ახალციხე]