ახალციხელი მასწავლებელი დაჯილდოვდა

დღეს, 10 აგვისტოს N5 საჯარო სკოლის პედაგოგმა ნაზი ჯინჭველაძემ დიპლომი და სამკერდე ნიშნი მიიღო. იგი მასწავლებელთა განვითარების ცენტრის წარმომადგენელმა ლალი წიკალურმა დააჯილდოვა.

„46 წელი მივუძღვენი მათემატიკას და მცდელობას, რომ ბავშვებისათვის მესწავლებინა მათემატიკური აზროვნება. ყველაზე მთავარი ესაა, რომ ბავშვმა აზროვნება ისწავლოს და ამას ვაღწევდი ჩემი შრომითა და წვალებით, მათემატიკური საღამოებით, ვიქტორინებით, ღია გაკვეთილებით. ვცდილბდი, რომ შედეგებისთვის მიმეღწია“, – განმარტა ნაზი ჯინჭველაძემ.

ცენტრის დირექტორის, ბერიკა შუკაკიძის ინიციატივით, დამსახურებული მასწავლებლები ქვეყნის ყველა მუნიციპალიტეტში დაჯილდოვდნენ.
„ვინც იშრომა, თავის საქმეს ემსახურებოდა და გამორჩეული იყო სხვა მასწავლებლებისაგან ვაჯილდოვებთ. ასეთი მასწავლებელბის გამოვლენა რესურს ცენტრებს დავავალეთ“,– აღნიშნა ცენტრის წარმომადგენელმა ლალი წიკლაურმა.

მსგავსი ჯილდო სამცხე–ჯავახეთის ყველა მუნიციპალიტეტში თითო მასწავლებელს გადაეცა.

[მარიამ ბარძიმაძე, ახალციხე]