VTB ბანკმა მასწავლებლებს მასწავლებელთა საერთაშორისო დღე მიულოცა

„ხვალ არის მასწავლებლების საერთაშორისო დღე. ამ დღესთან დაკავშირებით, დავპატიჟეთ მასწავლებლები ტკბილეულობასა და ყავაზე. შეხვედრის დასრულების შემდეგ კი, თითოეულ მათგანს, გადავცემთ ეროვნული დრამატურგიის V საერთაშორისო ფესტივალზე დასასწრები ბილეთები“, – გვითხრა VTB ბანკის ახალციხის ფილიალის მმართველმა ლევან ჯანანაშვილმა.

შეხვედრას ახალციხის მუნიციპალიტეტის მასშტაბით სხვადასხვა სკოლის 40 მასწავლებელი ესწრებოდა. მუნიციპალიტეტის საგანმანათლებლო რესურსცენტრის ხელმძღვანელმა ხათუნა ხმალაძემ პედაგაგოგებს პროფესიული დღე მიულოცა და „ღირსეული თაობების აღზრდა უსურვა“.
„მადლობა მინდა გადაგიხადოთ პედაგოგიური საქმინობისთვის და თავდაუზოგავი შრომისთვის. ჩემი სკოლების ათასამდე მასწავლებლით ვამაყობ და ყველას გისურვებთ ღირსეული თაობის აღზრდას“, – მიმართა ხმალაძემ მასწავლებელებს.

პედაგოგებს პროფესიული დღე ყველაზე მხცოვანმა და ახალგაზრდა მასწავლებლებმა მიულოცეს.

„გისურვებთ მოთმინებას, რადგან ჩვენ გვაქვს ურთიერთობა მომავალ თაობასთან და მოგეხსენებათ, რომ მომავლ თაობას გააჩნია სხვანაირი ინტერესი, მიდგომა, მორალი და ფასეულობა. ნამდვილად, ჩვენი შრომა ფასდაუდებელია. თითოეულ თქვენგანს ვუსურვებ წარმატებებსა და კარიერულ წინსვლას“, – ამბობს ისტორიისა და სამოქალაქო განათლების პედაგოგი ვიქტორია მინასიანი. ის შეხვედრაზე ყველაზე ახალგაზრდა პედაგოგი იყო.

ვიქტორიას მსგავსად, მასწავლებლებს პროფესიული დღე ვალის პირველი საჯარო სკოლის ფიზიკის მასწავლებელმა ვილი გოზალიშივილმა მიულოცა. 44 წელია რაც ის სკოლაში ასწავლის: „ვულოცავ ყველა მასწავლებელს ხვალინდელ დღეს. ვამაყობ იმით, რომ მასწვალებელი ვარ“.

საზეიმო ტორტი ახალციხის მეორე საჯარო სკოლის ყველაზე ახალგაზრდა მასწავლებელმა, ვიქტორია მინასიანმა გაჭრა.




[თორნიკე ზაზაძე, ახალციხე]