ავარიისას დაშავებული მოპედის მძღოლის მდგომარეობა სტაბილურია

როგორც, „სამხრეთის კარიბჭეს“ ახალციხის რეფერალურ ჰოსპიტალში განუცხადეს, დაშავებული სამედიცინო დაწესებულებაში რჩება: „ორივე ფეხზე ჩაუტარდა ოპერაცია, ახლა მდგომარეობა სტაბილურია. შევხედავთ როგორ იქნება და იმის მიხედვით გავწერთ საავადმყოფოდან“.

შეგახსენებთ, რომ ახალციხეში ავტოსაგაზაო შემთხვევა გუშინ, 3 აპრილს დაახლოებით 21:40 საათზე მოხდა. თვითმხილველების თქმით, 9 აპრილის ქუჩიდან მომავალმა მოპედმა შუქნიშანზე ვეღარ გამოასწრო და Land Rover–ის მარკის ავტომობილს შეეჯახა, რომელიც ამ დროს 9 აპრილის მიმართულებით უხვევდა. შემთხვევის შედეგად მოპედის მძღოლი, 1995 წელს დაბადებული ახალგაზრდა დაშავდა.

საქართველოს შინაგან საქმეთა სამინისტროს ცნობით, მომხდარზე ძიება სსკ–ის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება.

[sknews.ge]