უნივერსიტეტში სტუდენტებს ‘მუდლის’ განახლებული პროგრამა გააცნეს

დღეს, 18 სექტემბერს, სამცხე-ჯავახეთის სახელმწიფო უნივერსიტეტში არსებული ოთხივე ფაკულტეტის პირველკურსელებს სასწავლო პროცესების მართვის ელექტრონული სისტემა „მუდლი“ გააცნეს.

სასწავლებლის ადმინისტრაციის წარმომადგენლებმა ახალგაზრდებს ელექტრონულ სისტემაში მუშაობა, ასევე, შუალედური და ფინალური გამოცდების ელექტრონულად ჩაბარების სიმულაცია უჩვენეს. პროგრამა სტუდენტებს შესაძლებლობას აძლევს შეისწავლოს თუ როგორ მოამზადოს ნაშრომი და პარალელურ რეჟიმში შეამოწმოს ის პლაგიატზეც. პლაგიატზე საკუთარი ნაშრომის მომზადება ყველა სტუდენტისთვის სავალდებულოა.

სამცხე–ჯავახეთის უნივერსიტეტში სერვერი 15 იანვარს, დღის მეორე ნახევარში გადაიწვა.ამ დროისთვის 30 კომპიუტერზე მიმდინარე ელექტრონული გამოცდა შეწყდა. დაახლეობით 1200–მდე სტუდენტის გამოცდების შედეგები წაიშალა. ამიტომ მათ გამოცდების ჩაბარება ხელახლა მოუხდათ.

„ყველაფერი გასწორებულია, ახალი პროგრამა დავაყენეთ და ყველაფერი მოწესრიგდა. სამომავლოდ ელექტრონულ სწავლებაზე გადასვლასაც ვაპირებთ“, – ამბობს სამცხე–ჯავახეთის უნივერსიტეტის საგამოცდო ცენტრის წარმომადგენელი დარეჯან ზედგინიძე.

[თორნიკე ზაზაძე, ახალციხე]