უნივერსიტეტში 80–მდე სტუდენტი საკუთარი ნამუშევრების ამოსაცნობად დაიბარეს

უნივერსიტეტში ჰუმანიტარული ფაკულტეტის სტუდენტებმა ორ გამოცდაზე მათ მიერ დაწერილი ტესტები ამოიცნეს და ამიტომ ხელახლა ფინალურ გამოცდას აღარ დაწერენ.

„შტრიხ–კოდზე სველი ხელი ჰქონდა გადატარებული და ამის გამო ვეღარ ამოიცნო აპარატმა. ეს ყველაზე დიდ ჯგუფში მოხდა, რადგან შტრიხ–კოდთან შეხება, როგორც სტუდენტების, ასევე, ლექტორების მხრიდან სწორედ ამ ჯგუფში მოხდა“, – ამბობს განათლების, ჰუმანიტარულ და სოციალურ მეცნიერებათა ფაკულტეტის სპეციალისტი ლაურა თარხნიშვილი.

სამცხე–ჯავახეთის სახელმწიფო უნივერსიტეტის რექტორის მოადგილე ნიკო ახალკაცი ამბობს, რომ მათ შეძენილი სხვადასხვანაირი შტრიკოდი ჰქონდათ: „როგორც ჩანს რამდენიმე პარტია შტრიხ–კოდებისა უხარისხო აღმოჩნდა და ამან გამოიწვია ეს პრობლემაც“.

შეგახსენებთ, რომ სამცხე–ჯავახეთის უნივერსიტეტში მიმდინარე წლის ინავარში ელექტრონულად ჩაბარებული გამოცდების შედეგები წაიშალა. მაშინ ის სერვერი დაიწვა, რომელზეც სტუდენტების შედეგები ინახებოდა.

[თორნიკე ზაზაძე, ახალციხე]