„მოქალაქის“ შეთავაზება სტუდენტებს

სამცხე–ჯავახეთის სახელმწიფო უნივერსიტეტში შეხვედრა დღეს, 15 ოქტომბერს შედგა. პრეზენტაციას შეფასებისა და გამოცდების ეროვნული ცენტრის დირექტორის პირველი მოადგილე ივა მინდაძე უძღვებოდა.

პროექტი „სტუდენტები თვითმმართველობისთვის“ ორგანიზაცია „მოქალაქის“ ხელშეწყობით ხორციელდება. პროექტის ფარგლებში სტუდენტებს შესაძლებლობა ეძლევათ მონაწილეობა მიიღონ სამ-ეტაპიან კონკურსში, რომლის საბოლოო შედეგი იქნება კონცეპტუალური დოკუმენტის მომზადება მუნიციპალიტეტების განვითარებისთვის.

კონკურსის გამარჯვებულებს „მოქალაქე“ დააჯილდოებს. სხვა პრიზებთან ერთად, გამარჯვებული გუნდის წევრებისთვის მოეწყობა სასწავლო-შემეცნებითი ტური განვითარებული თვითმმართველობის მქონე ევროპის ქვეყნებში.

[sknews.ge]