როზა ხითარიშვილი: ‘აბასთუმანში, კორპუსში ყველა ფანჯარა შეცვალეს ჩემების გარდა’

ადიგენის მერიამ დაბა აბასთუმანში რუსთავლის N10–ში მდებარე კორპუსს რეაბილიტაცია გასულ წელს ჩაუტარა. ორსართულიან ბინას ძველი ფანჯრების ნაცვლად ახალი, მეტალოპლასტმასის ფანჯრები ჩაუსვა, შეღება ფასადიც.

ამ კორპუსში მცხოვრები როზა ხითარიშვილი ამბობს, რომ ტენდერში გამარჯვებულმა კომპანიამ მეტალოპლასტმასის ფანჯრები მხოლოს მის ბინაში არ შეცვალა: „პირველ სართულზე ვცხოვრობ, აბასთუმანში ზაფხულობით ვარ–ხოლმე. როცა გავიგე, რომ კორპუსს არემონტებდნენ მეზობლებს დავურეკე კარები შეამტვრიეთ და სამივე ფანჯარა შეაცვლევინეთ–მეთქი. შესულან, კარებიც გაუტეხიათ, მაგრამ სამიდან მხოლოდ ის ერთი ფანჯარა შეუცვლიათ, რომელიც ქუჩის მხარეს იყო“.

იგი ადიგენის მერიას უკვე ერთი წელია დარჩენილი ორი ფანჯრის შეცვლას სთხოვს: „აბასთუმნის გამგებელთან ვიყავი და მითხრა მიღება–ჩაბარების აქტი უკვე ხელმოწერილია და არაფერი შეიცვლებაო. ადიგენშიც ვიყავი, მერის ერთ–ერთ მოადგილეს შევხვდი, ამის მერე მოვიდნენ მერიის თანამშრომლები და მითხრეს პროექტით გათვალიწინებული არ იყო თქვენი ფანჯრებიო“.

რუსთაველის ქუჩაზე მდებარე ბინის სარეაბილიტაციო სამუშაობისთვის საპროექტო–სახარჯთაღრიცხვო დოკუმენტები ადიგენის მერიის ინფრასტრუქტურის სამსახურის თანამშრომელმა მერაბ გიორგაძემ შეადგინა. მან შეკითხვაზე, თუ რატომ დარჩა მთელ კორპუსშ შესაცვლელი მხოლოდ ეს ორი ფანჯარა, გვიპასუხა: „იმიტომ არ ჩავსვი, რომ არ იყო პატრონი სახლში და ვერ შევიდოდი შიგნით. ერთი ფანჯარა კი, რომელიც ფასადის მხარეს იყო გარედან შევცვალეთ, ბინის უკანა მხარეს კი ვერ მივუდექით“.

როგორც როზა ხითარიშვილი ამბობს, მშენებელი კომპანიის თანმაშრომლებმა მისი ნებართვით ბინის კარი გატეხეს და ის ერთი ფანჯარა შიგნიდან შეცვალეს: „ადიგენის მერიის თანამშრომლის ნათქვამი სიცრუეა. მხოლოდ ის ერთი შეცვალეს, რომელიც აწყობდათ და წინა მხარე იყო, ორ ფანჯარას შეგნებულად არ მოკიდეს ხელი“.

ადიგენის მერიის ინფრასტრუქტურის სამსახურის უფროსის გოდერძი სხირტლაძის თქმით, მისმა თანამშრომლებმა იმ ორი ფანჯრის შეცვლა, რომელზეც როზა ხითარიშვილი დაობს, საჭიროდ არ ჩათვალეს: „მიზეზი ისაა, რომ ვიზუალური დათვალიერების დროს ის ორი ფანჯარა კარგ მდგომარეობაში იყო. ფასადი იყო ყველაზე მთავარი. ასევე, შეიცვალა ის ფანჯრები, რომლებიც სავალალო მდგომარეობაში იყო“.

როზა ხითარიშვილი უბრალოდ იმიტომ ჩავსვი, რომ მაშინ ახლების ყიდვის შესაძლებლობა არ მქონდა“.

[თინათინ ზაზაძე, ადიგენი]