ახალციხელი სტუდენტი, ნანი მანველიშვილი პრეზიდენტმა დააჯილდოვა

სტუდენტებისა და პროფესორ-მასწავლებლებისთვის ესეების კონკურსი საქართველოს პრეზიდენტის სარეზერვო ფონდის დაფინანსებით, ჩატარდა რომელიც "განათლებისა და ცნობიერების ამაღლების ინსტიტუტმა" (EARI) განახორციელა. გიორგი მარგველაშვილმა გამარჯვებულები პრეზიდენტის სასახლეში გუშინ, 24 აგვისტოს დააჯილდოვა.

ნანი მანველიშვილი, ქალაქ ვალიდან არის, ის თბილისის სახელმწიფო უნივერისტეტის მაგისტრანტია.

"უნდა დაგვეწერა ჩვენი თვალით აღქმული საქართველოს დამოუკიდებლობის 100 წელი. ჩემს ესეში წერია ამბავი ერთ ოჯახზე მამაზე, შვილსა და შვილიშვილზე. მამა 1918 წლის ამბების მონაწილე და პირველი რესპუბლიკის ერთ–ერთ მთავარი პერსონაა, მისი შვილი, აფხაზეთის ომში დაიღუპა და შვილიშვილი კი 8 აგვისტოს ომის მონაწილეა", – ამბობს ნანი მანველიშვილი.

ესეების კონკურსში ჟიურისთვის წინასწარ განსაზღვრული ძირითადი კრიტერიუმები იყო: პირველი რესპუბლიკის ასწლეულის ანალიზი და შეჯამება, ქართული სახელმწიფოებრიობის წინაშე არსებული გამოწვევების ხედვა, ნაშრომის აკადემიური სტილი, თემის შესაბამისობა კონკურსის მიზანთან. ნაშრომები შეფასდა 10-ქულიანი სისტემით.

სტუდენტებს შორის გამოვლინდა პირველ და მეორე ადგილზე გასული გამარჯვებულები:

I ადგილი - ნანი მანველიშვილი (თსუ)
II ადგილი - ლანა კაპანაძე (თსუ)

პირველ და მეორე ადგილზე გასული გამარჯვებულები გამოვლინდა პროფესორ-მასწავლებლებსაც შორისაც:

I ადგილი - ზვიად დოლიძე (IBSU)
II ადგილი - თინათინ მშვიდობაძე (გორის სახელმწიფო სასწავლო უნივერსიტეტი)

საპრიზო ადგილებზე გასულ კონკურსანტებს გადაეცათ ფულადი ჯილდო, I ადილისთვის 1500 ლარი, II ადგილისთვის - 1000 ლარი. კონკურსის ყველა მონაწილეს საჩუქრად გადაეცა კრებული, სადაც შესულია გამარჯვებული ესეები. საუკეთესო 26 ესეს ავტორს კი კრებულთან ერთად გადაეცა სიგელები და საჩუქრები.

[sknews.ge]