‘გახდი ბესტსელერის ავტორი’ - ნანი მანველიშვილი კონკურსის გამარჯვებულია

მანველიშვილმა ლიტერატურულ კონკურსში ოთხ ახალგაზრდა მწერალთან ერთად გაიმარჯვა. მისი ტექსტი „ოდისევსის სინდრომი“ ჯერ დასრულებული არ არის. როდის გამოიცემა მისი ნაწარმოები წიგნად, უცნობია: „24 ივლისს ვხვდები გამომცემლობას. ამ ეტაპზე მეტი მეც არ ვიცი. მადლობა ყველას, ვინც ამ რამდენიმე კვირის განმავლობაში მხარს მიჭერდა და ხმა მომცა. ეს ჩემთვის, როგორც შემოქმედისთვის, უმნიშვნელოვანესია,” - ამბობს ნანი მანველიშვილი.

„გამომცემლობა „პალიტრა L“-ის ლიტერატურული კონკურსი ქართული მწერლობის პოპულარიზაციას, ახალგაზრდა ნიჭიერი ავტორების აღმოჩენასა და ხელშეწყობას ისახავს მიზნად“, - ვკითხულობთ კონკურსის შესახებ გამომცემლობის ვებ-გვერდზე.

ნანი მანველიშვილის ნაწარმოების შესახებ მეტის გასაგებად, მოუსმინეთ გადაცემა "ავანგარდს".

[ავთო ინასარიძე, ახალციხე]