ვარძიის მიმდებარედ მესხურ ვაზს დარგავენ

კულტურული მემკვიდრეობის დაცვის ეროვნულ სააგენტოში განმარტავენ, რომ ტერასები ისტორიული კომპლექსთან ახლოს, დაახლოებით ერთ ჰექტარზე გაკეთდება. სამუშაოები სააგენტოს საბჭოს წევრების მიერ გაცებული ნებართვის საფუძველზე დაიწყო.

„მესხური ტერასები, ისტორიულად და გეგოგრაფიულად დამახასიათებელი ელემენტია კულტურული მემკვიდრეობის ძეგლებზე. ამიტომ ჩევნ მივიჩნიეთ საჭიროდ და ამ იდეამ დადებითი რეკომენდაცია მიიღო კულტურული მემკვიდრეობის საბჭოს წევრებისგანაც“.

სააგენტოს ინფორმაციით, ტერასების მოწყობა არქეოლოგების დაკვირვების ქვეშ მიმდინარეობს.

„აქ ასევე მუშაობს ტექნიკაც, რომელიც მიწის ზედაფენის მოხსნის სამუშაოებს ასრულებს, თუმცა მისი მუშაობა კომპლექს საფრთხეს არ შეუქმნის, რადგან საკმარისად შორს არის“.

ვარძიის მიმდებარე ტერიტორიაზე უკვე დასრულებულია საპარკინგე ადგილის მოწყობა. ვიზიტორთა ცენტრის მშენებლობა კი დასასრულს უახლოვდება.

კლდეშინაკვეთი კომპლექსის მიმდებარე ტერიტორიაზე სამუშაოებს მუნიციპალური განვითარების ფონდის მიერ გამოცხადებულ ტენდერში გამარჯვებული ორი კომპანია შპს „არქიტექსი“ და შპს „ასტორია“ ასრულებენ. სამუშაოებს მსოფლიო ბანკი, ორი მილიონი ლარით აფინანსებს.

შეგახსენებთ, რომ ვარძიაში ფართომასშტაბიანი სარეაბილიტაციო სამუსაოები 2014 წლიდან დაიწყო. ვარძიის კომპლექსის გადარჩენის ოთხწლიანი პროექტი, რომელიც კულტურისა და ძეგლთა დაცვის სამინისტროს ინიციატივით მიმდინარეობს, წელს უნდა დამთავრდეს. გასული წლების განმავლობაში, ჩატარდა არქეოლოგიური კვლევები, გასუფთავდა და დაემატა ახალი გამოქვაბულები. მათი რაოდენობა არსებული ქვაბულების დაახლოებით 20% –ს შეადგენს. კომპლექსის ზედა მხარეს, საიდანაც ქვათა ცვენის საშიშროება იყო, გაკეთდა დამცავი ბადეები.

გამოქვაბულებში დამონტაჟდა განათება და მიმანიშნებელი დაფები. კომპლექსის მიმდებარე ტერიტორიაზე კი მოეწყო სველი წერტილები, დაიდგა ხის სკამები და წყლის ბიუეტები.



[ლუბა გიორგაძე, ასპინძა]