ნახანძრალ ვარძიაში სარესტავრაციო სამუშაოების მესამე ეტაპი დაიწყო

სააგენტოს ინფორმაციითვე, ხანძრის შედეგად დაზიანებულ ვარძიის ფრესკებს მესამე ეტაპის აღდგენითი-სარესტავრაციო სამუშაოები უტარდება, რომელიც კომპიუტერული და მიკროსკოპული დაკვირვების შედეგად ჭვარტლის ნაწილაკებისგან გაწმენდას ითვალისწინებს. სამუშაოებს სამშენებლო დეველოპერული კომპანია “მონოლით ჯგუფი” აფინანსებს.

„უკვე არის ამის პირობა, რომ მტკიცებით ფორმაში ვისაუბროთ“, - განმარტავენ კულტურული მემკვიდრეობის დაცვის სააგენტოში.

ფრესკების აღდგენითი-სარესტავრაციო სამუშაოები 3-4 თვის განმავლობაში გაგრძელდება და დაახლოებით 60 ათასი ლარი დაჯდება.

„მესამე ეტაპის სარესტავრაციო სამუშაოების დასრულების შემდეგ ასევე ვგეგმავთ ადგილზე სავენტილაციო, ჰაერგამწმენდი, ხანძარსაწინააღმდეგო, სპეციალური განათების სისტემების მოწყობის სამუშაობის განხორციელებას. ამ მიზნით მომავალში ტენდერი გამოცხადდება და თანამედროვე მეთოდოლოგიით მოხდება ფრესკების დაცვა, რათა მსგავსი ტიპის ფაქტები არ განმეორდეს“, - ამბობენ სააგენტოში.

მათივე ინფორმაციით, ვარძიაში ასევე მიმდინარეობს კლდოვანი მასების გამაგრების ასევე, ახლადგამოვლენილი ქვაბულების სისტემის ტურისტული მარშრუტებისთვის მოწყობის სამუშოები, რომლის ძირითადი ნაწილი უკვე დასრულებულია.

ვარძიის ღვთისმშობლის მიძინების ტაძარში ხანძარი 2016 წლის 31 ოქტომბერს გაჩნდა. აღდგენითი-სარესტავრაციო სამუშაოები ადგილზე მეორე დღესვე დაიწყო და სამხატვრო აკადემიის მხატვარ რესტავრატორთა ჯგუფი მუშაობს.

[sknews.ge]