გუბერნატორმა სტუდენტებთან ერთად ადიგენში ორდღიანი ექსპედიცია მოაწყო

რეგიონის გუბერნატორმა კახა სამხარაძემ და სამცხე–ჯავახეთის სახელმწიფო უნივერსიტეტის 15–მა სტუდენტმა ზანავის ციხე, ჭულესა და ზარზმის მონსტერი, თრიალას ტბები, ოქროს ციხე და აბასთუმნის ობსერვატორია დაათვალიერეს. ასევე, ორი დღის განმავლობაში ექსპედიციის მონაწილეები შეხვდნენ ადგილობრივებს და მათ თემში არსებული პრობლემების შესახებ ისაუბრეს. ექსპედიციის ფარგლებში ადიგენში გაიმართა სპორტული ღონისძიებებიც.

ორდღიანი ტურის შემდეგ სტუდენტები თავიანთი თვალით დანახული პრობლემების შესახებ წინადადებებს მოამზადებენ.

როგორც სამცხე–ჯავახეთის სამხარეო ადმინისტრაციაში ამბობენ, ექპედიცია რამდენიმე დღეში ბორჯომის მუნიციპალიტეტის დათვალიერებით გაგრძელდება, შემდეგი ტური კი ჯავახეთში მოეწყობა.

შეგახსენებთ, რომ სამხარეო ადმინისტრაციის ინიციატივით, სამცხე–ჯავახეთის გუბერნატორი, თვითმმართველობების წარმომადგენლებთან და 60–მდე სტუდენტთან ერთად, რეგიონის კულტურულ ძეგლებს, ასევე, მუნიციპალიტეტებში მიმდინარე ინფრასტრუქტურულ პროექტებს დაათვალიერებენ და რეგიონში არსებული პრობლემების შესახებ იმსჯელებენ.

[ლუბა გიორგაძე, ადიგენი]