გუბერნატორმა სტუდენტებთან ერთად ბორჯომში ექსპედიცია მოაწყო

სამცხე-ჯავახეთის მხარის გუბერნატორმა სტუდენტებთან ერთად, ორი დღის განმავლობაში ზორეთის საკალმახე მეურნეობა, ქვაბისხევის ღვთისმშობლის სახელობის ტაძარი, მწვანე მონასტერი და ბორჯომ-ხარაგაულის ეროვნული პარკის ვიზიტორთა ცენტრი მოინახულეს.
ვიზიტის ფარგლებში, ექსპედიციის მონაწილეები ცენტრალურ პარკსაც ეწვივნენ, სადაც სტუდენტები ფილმის ჩვენებას დაესწრნენ, ასევე დაათვალიერეს მშენებარე ღვინის მარანი, სადგერის წმინდა გიორგის სახელობის დედათა და ტიმოთესუბნის მამათა მონასტრები.

ორდღიანი ტურის შემდეგ, სტუდენტები საკუთარი თვალით დანახული პრობლემების შესახებ წინადადებებს მოამზადებენ.

როგორც სამცხე–ჯავახეთის სამხარეო ადმინისტრაციაში ამბობენ, მომდევნო ექსპედიცია ახალქალაქსა და ნინოწმინდაში, უახლოეს დღეებში გაიმართება.

შეგახსენებთ, რომ სამხარეო ადმინისტრაციის ინიციატივით, სამცხე–ჯავახეთის გუბერნატორი, თვითმმართველობების წარმომადგენლებთან და 60–მდე სტუდენტთან ერთად, რეგიონის კულტურულ ძეგლებს, ასევე, მუნიციპალიტეტებში მიმდინარე ინფრასტრუქტურულ პროექტებს დაათვალიერებენ და რეგიონში არსებული პრობლემების შესახებ იმსჯელებენ.



[ავთო ინასარიძე, ახალციხე]