სასტუმრო 'New Grand' – 'White House' – ის ახალი სიცოცხლე [R]

განახლებული საბანკეტო დარბაზი, სასტუმროს ნომრები და ინტერიერი, ქართულ სტილში გადაწყვეტილი ლუდის ბარი – ეს იმ სიახლეების არასრული ჩამონათვალია, რომელსაც "New Grand"-ი რებრენდინგის შემდეგ, როგორც ადგილობრივ, ისე უცხოელ სტუმრებს სთავაზობს.

სასტუმროს რებრენდინგი საზეიმო ვითარებაში შედგა. ღონისძიება რაბათის ტაძრის მოძღვარმა, მამა ნიკოლოზმა სიტყვით გახსნა. მან სასტუმრო კომპლექსს წარმატებები უსურვა და სტუმრები დალოცა.



სუფრას ზაზა თამარაშვილმა უთამადა. ზეიმი სავსე იყო მრავალფეროვანი სადღეგრძელოებითა და ქართული ფოლკლორული სიმღერებით.


ღონისძიების განმავლობაში არაერთი კონკურსი გაიმართა. სტუმრები ერთმანეთს სადღეგრძელოებში შეეჯიბრნენ, გამარჯვებულებს კი კომპლექსის მეპატრონემ, მარგალიტა თათეშვილმა პრიზები გადასცა.

გამარჯვებულები გამოვლინდნენ ხინკლის ჭამისა და ლუდის სმის შეჯიბრშიც, დასახელდნენ "მისის დარბაზისა" და "მისტერ დარბაზის" გამარჯვებულებიც. ყველა მათგანი "New Grand"–ისგან უფასოდ ლუდს მიიღებს.

დღეიდან "New Grand", როგორც ტურისტებისთვის, ისე ადგილობრივებისთვის მუდმივ თავშეყრის ადგილად იქცევა, ამის მიზეზი კი ბარ–რესტორანია, რომელიც სტუმრებს კერძების და სასმელების ფართო არჩევანს სთავაზობს. აქ შეძლებთ ზღვის პროდუქტების დაგემოვნებასაც. ბარში არსებული დიდი მონიტორი, მომხმარებლისთვის დამატებითი სტიმულია, მეგობრებთან ერთად თავშექცევისა და ემოციების გაზიარებისთვის.

სასტუმრო კომპლექსის მფლობელს, მარგალიტა თათეშვილს ბიზნესთან დაკავშირებით, დიდი გეგმები აქვს. როგორც ის ამბობს, სასტუმროს რებრენდინგის პროცესი გრძელდება და უკვე ცნობილი სიახლეების გარდა, მომხმარებელს მრავალ სიურპრიზს უზადებს. სიურპრიზებიდან ერთ–ერთი მესხური სამზარეულოა, რომლის დიდი გულშემატკივარიც თავად მარგალიტა თათეშვილია.

სასტუმროში ასევე ფუნქციონირებს სამკურნალო მასაჟის კაბინეტი, უახლოეს მომავალში კი ლაზერისა და სოლარიუმის მომსახურებაც დაემატება. სამომავლოდ "ნიუ გრანდს" საკუთარი კოსმეტოლოგი ეყოლება.

განახლებულ სასტუმრო "New Grand"–ში, ამჟამად 30 ნომერი ფუნქციონირებს და 100–მდე სტუმარს იტევს. გაზრდილია "New Grand"–ის პერსონალის რაოდენობაც. აქ მოსულ სტუმარს, დღეიდან სასტუმროს 30–მდე თანამშრომელი მოემსახურება.












[sknews.ge]