'ლომსიას' ადმინისტრაციამ სასტუმროს დაკეტვა გადაიფიქრა

როგორც სასტუმროს მენეჯერის მოადგილე ამირან ქიმერიძე გვიხნის, მუშაობის გაგრძელება პარტნიორი კომპანიების მოთხოვნის საფუძველზე გადაწყვიტეს.

„გვთხოვეს, რომ სეზონი დაგვეხურა, რადგან მათთან გარკვეული ვალდებულებები გვქონდა. ამ თხოვნის საფუძველზე გადავწყვიტეთ, რომ ოქტომბრამდე გავაგრძელოთ ოპერირება“, - ამბობს იგი.

ქალაქის ცენტრში მდებარე 63- ნომრიანი სასტუმრო 150 სტუმარზეა გათვლილი. 27 თებერვლის მონაცემებით, ოქტომბრამდე სასტუმროში უკვე დაჯავშნულია 3,500 ღამე. მიუხედავად ამისა, ოფიციალურ დოკუმენტში, რომელიც სასტუმროს ადმინისტრაციამ შპს "ლომსიას" გენერალური მენეჯერის ჟან-პიერ რიშტონისგან 24 თებერვალს მიიღო, ნათქვამი იყო, რომ სასტუმროს დაკეტვა სეზონურ ფაქტორებთან დაკავშირებულ კომერციული ხასიათის პრობლემებს უკავშირდებოდა.

რა მოხდება ოქტომბრის შემდეგ, ადმინისტრაციაში ჯერ არ იციან.

შეგახსენებთ, სამვარსკვლავიანი სასტუმრო ახალციხის ცენტრში "ვისოლ ჯგუფმა" 2012 წლის 9 აგვისტოს გაიხსნა. სასტუმროში 58 ადამიანია დასაქმებული.

[თამარ თოთაძე, ახალციხე]