ახალციხეში ავტოსაგზაო შემთხვევის შედეგად შუახნის კაცი დაშავდა

შემთხვევა დღეს, 20 ივლისს, დაახლოებით დილის 07:00 საათზე მოხდა. შედეგად ჯანმრთელობის დაზიანება მიიღო თვითონ მძღოლმა. როგორც სასწრაფო–სამედიცინო სამსახურში ამბობენ, "დაზარალებული კონტაქტურ მდგომარეობაში გადაყვანილი იქნა ახალციხის საავადმყოფოში".

ახალციხის რეფერალურ საავადმყოფოში "სამხრეთის კარიბჭესთან" განმარტავენ, რომ პაციენტი მძიმე მდგომარეობაში იმყოფებოდა, ამიტომ კატასტროფის მანქანის გამოძახება გახდა საჭირო – "მძიმე მდგომარეობა ჰქონდა. გადავუღეთ "კატე" და გვაჩვენა ცვლილებები, რომლებსაც ჩვენს კლინიკაში ვერ გავუმკლავდებოდით. სასწრაფოდ იყო გადასაყვანი კატასტროფით თბილისში და დილის 9 საათისათვის მოხერხდა მისი გადაყვანა".

გამოძიების პირველადი მონაცემებით, ავტოსაგზაო შემთხვევა, სავარაუდოდ მძღოლის შეუძლოდ გახდომამ გამოიწვია.

შსს–ს ინფორმაციით, გამოძიება 276-ე მუხლის პირველი ნაწილით მიმდინარეობს.

[sknews.ge]