ახალციხეში ავტოსაგზაო შემთხვევის შედეგად მამაკაცი დაშავდა

ავტოსაგზაო შემთხვევა, ახალციხეში, რუსთაველის ქუჩაზე დაახლოებით, 14:45 საათზე მოხდა. ერთმანეთს ჩიხიდან გამომავალი „ოპელის“ მარკის ტაქსი და „სუბარუს“ მარკის მსუბუქი ავტომანქანა შეეჯახა;

შემთხვევის შედეგად ტაქსის მძღოლი დაშავდა. იგი სასწრაფო სამედიცინო სამსახურის წარმომადგენლებმა საავადმყოფოში გადაიყვანეს.

"საშუალო სიმძიმის ტრამვა აქვს", – აცხადებენ სასწრაფო სამედიცინო სამსახურში.

შინაგან საქმეთა სამინისტროში აცხადებენ, რომ მომხდარზე ძიება სისხლის სამართლის კოდექსის 276–ე მუხლის პირველი ნაწილით დაიწყო, რაც საგზაო მოძრაობის წესების დარღვევას გულისხმობს.





[sknews.ge]