ახალციხეში ‘სამოქალაქო ქმედების სკოლა’ სტუდენტებისთვის ლექციებს ჩაატარებს

უნივერსიტეტში „სამოქალაქო ქმედების სკოლის“ კურსები 12 ივლისს დაიწყება და 27–ივლისს დასრულდება. ამ დროის განმავლობაში, სტუდენტებს საშუალება ექნებათ, რომ მიიღონ დეტალური თეორიული და პრაქტიკული ცოდნა ეკონომიკის სამართლის, საერთაშორისო ურთიერთობის, პოლიტიკისა და უსაფრთხოების საკითხებში.

ძირითადი მოდულებით გათვალისწინებული ლექციებისა და სემინარების გარდა, მონაწილეები შეხვდებიან ამ თემატიკის ექსპერტებს, მიიღებენ მონაწილეობას სემინარებსა და ტრენინგებში, დებატებში. ასევე, მონაწილეები გაივლიან კურსებს ფსიქოლოგიაში, მენეჯმენტსა და მარკეტინგში.

პროგრამის მიზანი, ახალგაზრდებში ანალიტიკური მსჯელობის უნარის გამომუშავებაა, ამიტომ სტუდენტები გაეცნობიან და განიხილავენ სახელმწიფო მნიშვნელობის საკითხებს, როგორც წარსულიდან ასევე დღევანდელობიდან.

სამცხე–ჯავახეთის უნივერსიტეტში დაინტერესებული სტუდენტები 18 დღის განმავლობაში სამოქალაქო ქმედების ხუთივე მოდულს გაივლიან.

[თორნიკე ზაზაძე, ახალციხე]